Tokoni $18.9 miliona USD Pangike ADB ki he fonua 'e 4 Pasifiki tau'i COVID-19 Featured
26 'Epeleli, 2021. Kuo fakapapau'i 'e he Pangike Langa Fakalakalaka 'a 'Esia (The Asian Development Bank (ADB)) tenau tokoni 'a e pa'anga 'e 18.9 miliona 'Amelika ke tokoni ki hono huhu malu'i 'a e fonua memipa 'e 4 'i he Pasifiki mei he Covid-19.
'Oku vahevahe leva 'a e tokoni ko'eni 'a e Pangike 'o anga pehe ni:
Ha'amoa (8 million Pa'anga 'Amelika),
Tonga (5.5 million Pa'anga 'Amelika),
Tuvalu (1.5 million Pa'anga 'Amelika),
Vanuatu (3.9 million Pa'anga 'Amelika)
Ko e ngaahi pa'anga ko'eni 'e fakapa'anga 'aki 'a e ngaahi polokalama huhui malu'i 'o e kakai 'o e ngaahi fonua ni 'a ia 'oku fakafuofua ki he toko 600,000 (ono kilu).
'I he fakamatala mei he ADB 'oku hoko 'a e ngaahi polokalama faka'ehi'ehi 'a e ngaahi fonua ni kene 'oange 'a e ongo mafatukituki ki he Palesiteni 'o e ADB President Masatsugu Asakawa pea ko'ene lau ia 'i he'ene ongoongo tukuatu ki he ngaahi kautaha ongoongo.
Ko tokoni fakapa'anga ko'eni 'oku fakataumu'a ia ki hono fakamalohi'i 'a e tukunga 'o e mo'ui pehe ki hono fakalele 'a e ngaahi polokalama faka'ehi'ehi mo hono fakahoko 'a e polokalama huhu malu'i 'a e ngaahi fonua ni mei he Covid-19.
'I he 'au mai ki he mahina ko Ma'asi 2021, kuo laka hake he pa'anga 'Amelika 'e 750 million kuo foaki 'e he Pangike ADB kau ai hono kaunga fakapa'anga 'a e ngaahi polokalama tokoni ki he mo'ui mo poupou fakatekinikale ke tokoni'i 'a e ngaahi fonua 'o e Pasifiki 'i hono tau'i 'a e mahaki faka'auha fakamamani lahi koe Covid-19.
'I he fakamatala mei he Kautaha Mo'ui 'a Mamani (World Health Organization), kuo 'osi fakapapau'i 'a e toko 3 'i Vanuatu kuo ma'u 'e he COVID-19 pea koe keisi pe 'e 1 'a Ha'amoa pea kei hala 'a Tuvalu mo Tonga ni.
