Tauhi kau polisi ki'i tamasii ta'u 12 fekau'aki mo e mate talavou ta'u 18 he me'afana Featured
19 'Epeleli, 2021. Kuo puke 'o tauhi 'e he kau poliis ha ki'i tamasi'i ta'u 12 mei Kolomotu'a 'o fekua'aki mo e malolo ha talavou ta'u 18 mei Lapaha koha lavea ki hono 'ulu tupu mei ha me'afana.
Na'e hoko foki 'a e fakatamaki ko'eni 'i he 'api nofo'anga 'i Kolomotu'a 'i he po'uli hifo pe 'aho Tokonaki 17 'o 'Epeleli 'a ia koe Tokonaki ia 'o e uike kuo 'osi.
'Oku kei hokohoko atu 'a e fakatotolo 'a e kau polisi fekau'aki mo e me'a ni ka koe me'a 'oku mahino ia koe malolo 'a e talavou ta'u 18 mei Lapaha 'oku tupu ia mei ha lavea ki hono 'ulu mei ha me'afana.
'Oku muimui'i pe 'e he ongoongo ni 'a e talanoa ko'eni ka 'oku te'eki ke toe tuku mai mei he kau polisi hano fakaikiiki.
