Puke 'e he kau polisi tangata na'a ne fakalavea'i 'a Lord Dalgety Featured
Lord Dalgety
17 March, 2021. Kuo puke 'e he kau polisi 'i he hengihengi Tusite 16 Ma'asi 2021 'a e matapule na'a ne feinga kaiha'a mo fakalavea'i 'a Lord Dalgety 'i hono 'api nofo'anga.
Ko e matapule ko'eni 'oku ta'u 26 mei Veitonga pea ko hono toki puke 'eni 'a e matapule ni hili hano kumi mo fai ha fakatotolo kiai 'a e kau polisi talu mei he hia na'a ne fakahoko ki he tanga'eiki ni 'i he 'aho 8 'o Fepueli, 2021.
Na'e faka'ilo ai pe 'a e matapule ni ki he hia ta fakalavea mo e feinga kaiha'a fakamalohi pea 'oku kei tauhi 'e he kau polisi 'o tali ai ke ha 'i he Fakamaau'anga he faingamalie vave taha.
Ko Lord Dalegty koe tangata'eiki mei Sikotilani pea ko e Tu'i Fakamaau Lahi malolo ia 'a Tonga ni pea 'oku ne hoko koe taha 'o e kau Law Lords 'a 'Ene 'Afio pea 'oku memipa foki 'i he Fakataha Tokoni.
Ko Lord Dalgety 'oku tangata'ifonua Tonga pea 'oku fuoloa ta'u 'ene nofo 'i Tonga ni.
