Siaosi Tupou II ^Featured

Ko Saosi Tupou II ‘a e Tu’i Kanokupolu  hono 20. Na’e ‘alo’i  ‘a Siaosi Tupou II  ‘i he ‘aho 17 ‘o Siulai ta’u 1874 pea koe ‘alo ia ‘o ‘Elisiva Fusipala Tauki’onetuku ‘a ia koe ‘alo fefine ‘o Tevita ‘Unga pea ko Tevita ‘Unga koe ‘alo tangata ia ‘o Siaosi Tupou I.

Na’a ne hoko ki he Taloni ‘o Tonga ‘i hono ta’u 18 hili ia ‘a e hala ‘a Siaosi Tupou 1 ‘i he ta’u 1893. Na’a ne ta’ane mo Lavinia Veiongo ‘i he ‘aho 1 ‘o Sune ta’u 1899. Ko Lavinia Veiongo koe tupu ia mei he laini tukufakaholo Tu’i Tonga pea na’e ‘i ai hona ‘alo fefne ko Sālote ‘a ia na’e hoko koe Tu’i Kanokupolu hono 21 mo e Kuini ‘Ofeina ‘o Tonga Kuini Sāote Tupou III hili ‘a e hala ‘a Siaosi Tupou II ‘i he ta’u 1918.

Na’e pekia ‘a Lavinia Veiongo ‘i he ta’u 1902 pe na’e toe ta’ane ‘a Siaosi Tupou II mo ‘Anaseini Takipō Afuha’amango pea na’e ‘i ai hona ‘alo fefine ko ‘Elisiva Fusipala Tauki’onetuku. ‘Oku ‘ikai fu’u fēfē hano fakahikihiki’i ‘e he kau fa’u hisitōlia ‘a e Tu’i ko’eni pea na’e hā foki ‘i he ngaahi fakamatala faka hisitōlia kehekehe ‘a e ngaahi palopalema faka lotofonua ‘o iku ke hū mai ai ‘a e Pule’anga Pilitānia ‘o fakalelei’i ‘i he fonua.

Na’e mokoi lahi ‘a Tupou II ki he hiva mo e fatu ta’anga pea ‘oku hā pe ia mei he ngaahi ta’anga na’a ne fatu lolotonga ‘ene kei ‘i he Taloni. Na’e hala ‘a Siaosi Tupou II ‘i he ‘aho 17 ‘o Siulai ta’u 1918 tupu mei ha’a ne pūpūluhi. Na’e hoko ai pe ‘i he ta’u tatau ‘a Sālote ki he Taloni ‘o Tonga ‘i he huafa koe Kuini Sālote Tupou III.