Fokotu'u Chris Cocker CEO Kautaha Takimamata Pasifiki (SPTO) ^Featured

Ko hono fakanofo ko’eni ‘o Cocker na’e fakahā faka’ofisiale ia ‘e he Sea ‘o e Poate Pule ‘a e SPTO Sonja Hunter hili ia ha fakataha ‘a e Poate na’e fakahoko ki he Cold Coast ‘i ‘Aositelēlia ‘i he ‘aho Mōnite ‘o e uike ni.

Ko hono fetongi ‘eni ‘e Cocker ‘a matāpule Fisi ko Ilisoni Vuidreketi ‘a ia na’a ne hoko ko e CEO ‘o e Kautaha ni ‘i he teemi hokohoko ‘e ua. Ko Chris Cocker ko e Tonga ‘aki ia hono ua kuo ne a’u ki he lakanga ni ‘i he SPTO. Ko Lisiate ‘ALoveita ‘Akolo na'a ne hoko koe CEO 'o e Kautaha ni ‘i he faka’osinga ‘o e ta’u 2000 tupu ko Cocker ‘eni kuo fokotu’u ‘i he ta’u ni.

Fakatatau kiha fakamatala mei he ongoongo ‘a e Pasifiki (PINA), ko hono fokotu’u ko’eni ‘o Cocker kuo pau ai kene mavae mei he SPC  (Secretariat of the Pacific Community) ‘a ia ‘oku lolotonga fakahoko fatongia ai ki he lakanga fo’ou ni.

‘Oku ‘i ai foki mo e ‘amanaki lelei ki hano tataki lelei ‘e Cocker ‘a e Kautaha ni ‘o makatu’unga he’ene ngaahi taukei.