'Ulungia 'a Tonga 'i he Kangaroos 'a Aositeleia
20 'Okatopa 2024. Neongo 'a e 'ulungia 'a e Timi Liiki Fakafonua 'a Tonga 'i he Timi Fakafonua Kangaroos 'a 'Aositelelia 'i he efiafi Falaite 18 'o 'Okatopa ka 'oku mahino pe 'oku 'i he tu'unga ma'olunga 'a e va'inga ia 'a e fanau Tonga 'i hono fakafepaki'i 'a e timi hau 'a mamani he mala'e 'o e 'Akapulu Liiki.
Ko e kai 'i he va'inga ko'eni koe 18 'a e Kangaroos ki he 0 'a Tonga ka ko e tu'u 'uluaki na'e 6 'a e Kangaroos ki he 0 'a Tonga pea na'e mahino 'a e fiu feinga 'a e Kangaroos.
Neongo foki 'a e 'ulungia ka 'oku 'ikai ke toe fehu'ia 'a e levolo fakapolofesinale 'oku a'u kiai 'etau fanau tukukehe ange 'a e malava ketau veipa 'i he levolo ma'olunga taha 'o e sipoti ni.
Ko e fetaulaki foki 'eni 'a Tonga mo e Kangaroos 'i he fe'auhi ki he Ipu 'a e Pasifiki 'a ia 'oku kau kiai 'a Tonga, 'Aositelelia, PNG, Fiji, Cook Islands pea mo Nu'usila.
