Ikuna 'e he Timi Tala fe'auhi Netipolo 'a e PacificAus Sports Netball Series

Na'e fainolo foki 'a e Tala mo e Timi Fakafonua 'a Malawi 'a ia 'oku 'iloa koe Malawi Queens 'a ia na'e fakahoko 'i e Gold Coast he efiafi 'aneafi pea na'e ikuna ai 'e he Tala 'a e va'inga ni 'aki 'a e kai koe 54 ki he 41.

Ko e va'inga 'eni fa'e fetuotuani malie 'o fakahoa mo e ngaahi va'inga 'e 5 kimu'a 'a e Tala 'i he fe'auhi ni 'a ia na'a nau ikuna faingfofua pe 'enau ngaahi va'inga pea na'a nau 'ikuna'i 'a Ha'amoa 'aki 'a e kai koe 79-53, ikuna 'a Singapore koe 85-40, Kenya 71-44, Zambia 59-47 pea ikuna mo Fisi koe  68 ki he 52. 

Ko e ikuna 'eni 'e Tonga 'a e fainolo hili ia 'a e 'ikai kenau 'ulungia ha timi talu mei he kamataha 'a e fe'auhi ni pea 'oku faka-hisitolia 'a e ikuna ko'eni ki he fonua pea 'oku fakafiefia.

Ko e timi foki 'a Malawi na'e fika 6 'i mamani kae fika 7 'a Tonga pea 'oku hiki 'a Tonga ki he fika 6 kae holomui 'a Malawi ki he fika 7 hili 'a e ikuna ko'eni.

'Oku 'amanaki foki ke fakahoko 'a e fe'uhi ki he Ipu 'a Mamani he mala'e Netipolo he kongaloto 'o e ta'u ni ki Saute 'Afilika pea 'oku kau atu kiai 'a timi 'a eTala.

'Oku fakaofo foki ki mamani katoa 'a e makape hake ko'eni 'a e Tala mei he ta'e'iloa ke kau he ngaahi timi tu'ukimu'a 'e 10 'a mamani he mala'e 'o e Netipolo.