Tukuange 'a e Tu'unga Palemia he kuo fe'unga Featured
'Eliesa Fififta
Nuku'alofa 7 Sanuali 2016. 'Oku paaki atu 'i heni 'a e tatau 'o e Tohi 'a 'Eliesa Fififta 'o Kolomotu'a 'o kole ki he Palemi Samiuela 'Akilisi Pohiva ke fakafisi aa mei he lakanga Palemia 'o e fonua.
7 Sanuali 2015
‘Eiki Palemia ‘o Tonga
‘Ofisi ‘o e Palemia Nuku’alofa
Re: Kole ke tukuange aa ho tu’unga ko e Palemia ‘o Tonga.
Tangata’eiki,
‘Oku ou faka’apa’apa mo kole ki he feitu’una ‘i he tokoni mai ‘a e ‘Otua mafimafi ke angalelei kae tukuange aa ‘a e tu’unga pe lakanga Palemia hotau fonua ka ko e pule’anga ‘o Tonga. ‘Oku makatu’unga ‘a e kole mo e tautapa ‘oku ou fai atu ki he feitu’una koe’uhi ko e tu’unga mo’ui lelei ‘oku ke ‘iai.
‘Oku ‘ikai ke puli ‘i he kakai ‘o e fonua ‘a e ngaue faimateaki li’oa mo fai’osikiavelenga ‘a e feitu’una ‘o ke a’usia ai ‘a e tokotaha memipa motu’a pea toe fuoloa taha ‘o e fale alea ‘o Tonga pea ke hoko ‘eni ko e Palemia ‘o Tonga ka koe’uhi ko e pelepelengesi ‘o e kaha’u hotau fonua mo e pule’anga kae pehe ki he lelei fakalukufua ‘a e kakai ‘o Tonga ko ia ai ‘oku fai atu ai ‘a e tautapa ki he feitu’una pea mo e kole fakamatoato ke angalelei aa mu’a ‘a e feitu’una kae tukuange aa e fatongia kiate kinautolu ‘oku nau kei ma’u ivi, ta’u si’i mo kei iiki ange koe’uhi ke nau hoko atu e fatongia ka ke ma’u aa ha malolo lelei mo fakatootoo la’a ki ‘api.
‘Oku fai ‘a e faka’apa’apa lahi ki he feitu’una koe’uhi ko e ta’u kuo ke a’usia pea ‘oku ou fakatauange ki he ‘Otua mafimafi ke ne kei hoko hoko lelei atu ‘a hono faitapuekina koe mo e fatongia ‘oku ke fuesia.
Faka’apa’apa atu.
Eliesa Fifita-Kolomotu’a.
10 comments
-
Na'e 'ofa'i e Kele'a foki he'enau 'omai e ngaahi me'a lahi he kuohilii ka ko e pango he na'e fio ai e loi mo e faasitutu'u. Koeni malo ku tau ma'u e mo'oni'i me'a mei he site koeni, pea 'oku mo'oni mo totonu. Ko e Kele'a 'e faka'auha pe kinautolu 'e he 'enau loi.
-
Malo 'e 'Eliesa e tohi lelei pea 'oku teke holomui neongo 'a e ngaahi fakafe'atungia 'a e ni'ihi he koe ngaue lelei 'ena 'oku ke fai.
-
Kautama naaku piki mei he ongoongo tatau a e tongadailynews a e fiemau ehe Palemia haane Kapineti faitotonu, pea kou siosio e tuli kotoa ehe Palemia ene Kapineti he oku nau taefaitotonu kotoa o kamata pe mei ai.
-
Osi tonu ke manatui e Akilisi koia nane hanga o liliu e mindset oe kakai kenau angatuu mo lea taeufi tae fakaapaapa mo fakafepaki kiha tuutuuni oku omi ehe kau Taki. Naane liliu moe sio a e kakai kenau analaiso e mea kotoa pe he oku corrupt pea koe Tui mo hono fale oku nau kai e moui a e kakai pea oku tikitato osi koia ikai ke mooni he nae talu etau tupu teeki ketau ilo ha taha I Tonga ni oku mate fiekaia. Ko e aho ni ku tau siomata tautolu he tikitato ia Akilisi. Pea kou saiia hoo faingataaia he mindset oe kakai he ko koe na ke liliu honau mindset. Kapau teke hifo mei ho lakanga pea tamatei mo hoo Kelea e foki e mindset e kakai.
Pea ki he Puleanga koeni，mou manatui oku iai e Puleanga e hoko mai，tenau sii faingataaia hano langa e fonua i heene tolalo he aho ni. -
Mo'oni koe Telesia, lolotonga e nga'uta 'ae fonua he ngaahi faihala, maumaulao, ako moe sivi, moe 'ai'aino'ai 'a PM mo 'ene kapineti kuo valelau mai ia he FAKAMA'A moe ngaahi vaka ngoto, kae 'ikai fai mai ha'ane lau ki he me'a 'oku hoha'a tu'u ki ai e kakai. Valelau mai he fiema'u e kau ngaue falala'anga mo faitotonu lolotonga ia 'ene fili e kau kakaa moe kau ta'efalala'anga ki he kapineti. 'Oku 'iai e me'a ia 'oku ki'i fehalaaki e tangata'eiki, pea 'oku mo'oni e kole ia 'a 'Eliesa, malolo a ki 'api 'o lau folofola moe fakatomala. Ko 'ene lau ki he faingata'a e liliu e mindset 'oe kakai, 'oku 'ikai ke ne 'ilo koe mindset 'oku 'alu fakataha ia moe attitude moe trust, pea 'e anga fefe e liliu e mindset e kau ngaue kapau 'oku fu'u ta'efalala'anga, ta'efaitotonu mo fakatikitato 'ene taki. Kataki pe PM, malo ena kuo ke 'au ki he sea, momoi atu a e fatongia kiha taha 'oku kei maau 'ene fakakaukau ka ke foki a ki 'api 'o teu ho hala. Mo'oni e lau 'ae hiva, go home in dignity.
-
Na'a ku lau i he tongadailynews 'a e ngaahi fakamatala 'a e Palemia, 'oku ou lava pe au keu tala 'oku 'i ai e me'a ku hoko kiai. Pea ku nofo 'ene tokanga 'ana ia ki he fu'u me'a kehe aupito pe ia oku tonu ke tokangaekina e ha Palemia ma'a hono fonua. Kau fifili ko e ha e tukupa ki he Tu'i ka e 'ai e fonua e Tu'i mo e Hou'eiki ke longoa'a. Na kuo taimi ke fai ha liliu Puleanga ia.
-
Oku fakamatapule aupito a e lea oku ngaueaki e Eliesa kihe Palemia ke fakafisi aa i hono fakahoa kiheene ngaahi lea fita'a mo taeufi taefakaapaapa oku faa fai e Akilisi kihe Tu'i (Tupou IV) moe kau Palemia kotoa pe kimu'a. Tonu ke fiefia he oku ne fakaauha e fonua ka oku kei oatu pe lea lelei moe kole fakalelei ke hifo a. Poupou atu，me'a aa o malolo lelei koe taimi eni oe fakalaulauloto ki he ofa hulu a e Otua tautautefito kihe ta'umotu'a kuo ke a'usia Eiki Palemia. Momoi atu hoo misiona ki ho kau muiaki kenau toki mahamahaki atu he kahau vavemai.
-
Malo 'Eliesa hono fakafofonga'i e loto e kakai tokolahi 'o e fonua ka 'oku 'ikai kenau lea.
-
Eliesa oku mau fanogo mo kimautolu i he mahamahaki a e Palemia ka ke omai mua kii puipuitua e puke oku ne mau na oku tatau pe moe fakamatala oku mau ma'u.
-
Ta koe uhonga totonu oe tohi koe kole kihe Otua mafimafi ke kei faitapuekina ai pe palemia koeuhi koe fatongia oku ne fua.