To folofola nounoutaha 'i he hisitolia 'o e huufi Fale Alea 'o Tonga

Na'e fakafuofua ki he miniti 'e 1 sekoni 'e 10 'a e loloa 'a hono lau 'e he Tama Pilinisi Kalauni Tupou To'a 'Ulukalala 'a e To Folofola mei he Taloni. 'Oku mahino pe foki ki he ongongo ni 'e lahi 'ave ngaahi faka'uhinga ki he fu'u nounou 'a e Folofola ni ka 'oku na'e ha mahino mai e foki 'a e talamonu 'a e Tama Tu'i ki he Pule'anga fo'ou pea mo hono fakamalo'ia 'a e ngaahi ngaue 'a e Pule'anga motu'a moe faka'amu ke hokohoko atu.

Tatau 'o e To Folofola

‘Oku ou tuku ‘a e fakafeta’i ki he ‘Otua Mafimafi ‘i he’etau a’usia mai ‘a e ta’u fo’ou ni. Kuo lava lelei ‘a e fili Falealea ‘o e 2014. Pea kuo kakato ‘a e ngaue ki hono fili ‘o e Palemia pehe ki he Sea ‘o e Fale Alea mo hono Tokoni, pea ki he fili ‘e he Palemia ‘a e ngaahi lakanga fo’ou ki he Pule’anga fo’ou.

Ko ia ai ‘oku ‘oatu ‘a e Talamonu ‘Eiki Sea pehe ki he ‘Eiki Palemia mo e Kau Minista ‘o e Kapineti, Hou’eiki Fakafofonga Nopele pehe ki he Kau Fakafofonga ‘o e kakai.

‘Oku tau fakatokanga’i foki mo fakamalo’ia ‘a e ngaahi ngaue kotoa kuo lava hono fakahoko he ta’u ‘e 4 kuohili pea mo e ‘amanaki lelei ke hokohoko atu ‘a e ngaahi ngaue ko ia ki he tokoni ki he langa hake ‘a e tu’unga faka ‘ikonomika mo faka sosiale ‘o e fonua. Talamonu atu ki he Fakataha Alea ‘o e ‘aho ni.

Tama Tu’i

Tupou V1