Fakalakalaka ki mu’a ‘a e tu’unga ‘oku ‘i ai ‘a e mo’ui ‘a Lord Fusitu’a Featured
Lord Fusitu'a
16 'Aokosi, 2019. Kuo ma’u ‘a e fakamatala mei ‘Aokalani Nu’usila ko e tu’unga ‘oku fakafiemalie mo fakalakalaka ki mu’a ‘oku ‘i ai ‘a Lord Fustu’a.
‘I ha fakamatala tonu mei ha taha ‘o e memipa ‘o e fāmili na’a ne fakahā mahino ai neongo ‘oku dialysis ‘a Lord Fusitu’a ka ‘oku fakafiefia ‘a e mahino mai ‘oku ‘i ai fakalakalaka lahi ‘o kehe ia mei he taimi na’e tu’uta mai ai ki ‘Aokalani.
‘Oku fakaakeake lelei pe ‘a e ‘Eiki Nōpele pea kuo to’o mo e fakamanava misini pea ‘i he taimi tatau kuo ‘oku ‘alu pe ‘a e ‘aho mo ‘ene toe fakalakalakala ange.
Na’e fakafolau faka-Falemahaki foki ‘a Lord Fusitu’a ki Nu’usila ‘i he aho Sapate 4 ‘o ‘Aokosi hili ia hano tauhi ia ‘i he Falemahaki Vaiola ‘i ha taimi nounou.
Na’e fakahā foki ‘e he mēmipa ofi ko’eni ‘o e fāmili ‘oku nau fiefia ‘i he mahino ‘oku lotua ‘e he kakai ‘o e fonua ‘a Lord Fusitu’a pea ‘oku mafana lahi ai ‘a e fāmili.
‘I he taimi tatau ‘oku ‘ikai tuku ‘a hono ‘ahia mo e ‘a’ahi kia Lord Fusitu’a ‘a e kakai pea ‘oku kei fiema’u pe ‘e he fāmili ‘a e lotu mo e hufia ma’a Lord Fusitu’a.
‘Oku kau foki ‘a Lord Fusitu’a ‘i hono manakoa lahi ‘e he kakai ‘o e fonua tautautefio ki he’ene ngāue ki hono fakafepaki’i fefeka ‘a e ngaahi Lao Fakaangaanga ‘e 6 na’e fokotu’u mei he Pule’anga fekau’aki mo e fokotu’utu’u ki hono liliu ‘o e Konisitūtone ‘o Tonga.
Ko Lord Fustu’a koe Fakafofonga Nopele ia ma’a e Ongo Niua ki he Fale Alea 'o Tonga pea koe mataotao foki ‘i he mala’e ‘o e Lao.
3 comments
-
Ofa atu Lord Fusitu'a, Oku Lelei mau aipe ae Otua. Koia tokotaha pe oku ne fai hotau tauhi. Kene fakamalumalu kiate koe he taimi kotoa pe.
-
GET WELL SOON HON. FUSITU'A...wishing you a speedy recovery. There's work to be finished, and you're the cornerstone of the winning strategy. I'm praying for you, now you got to have the faith.
'Ofa atu. -
Well done malo ia kuo tokoni ae otua o fkha hono maafimafi ihe moui a Lord Fusitu’a