Hoha’a Fakafofonga ‘Eua ki he ‘ikai tokoni’i ‘e he Pule’anga totongi ako Featured
Fakafofonga Kakai 'Eua Tevita Lavemaau
2 Sepitema, 2018. Na’e ‘ohake ‘e he Fakafofonga ‘Eua Tevita Lavemaau lolotonga ‘a e feme’a’aki ‘a e Fale Alea ‘o Tonga ‘aneafi Monite 1 ‘o ‘Okatopa ‘a e hoha’a ‘a e kainga ‘Eua ki he ‘ikai tokoni ange ‘a e Pule’anga ki he totongi ako ‘a e fanau ako ‘Eua.
Ko hono fakaha foki ‘eni ‘e he Fakafofonga ‘Eua he na’e ‘i ai ‘a e fakatamaki fakaenatula na’e tofanga ai ‘a e Vahefonua ‘Eua pehe ki Tongatapu ‘i he Saikolone ko Gita pea na’e fai ‘a e kole ki he Potungaue Ako ke tokoni mai ‘a e Pule’anga ki he totongi ako ‘a e fanau mo e ‘ikai pe.
Na’e toe hoha’a foki ‘a e Fakafofonga ki he tu’unga ‘o e ngaahi lokiako na’e maumau ‘i he Saikolone ko Gita ka ‘oku te’eki ke fakahoko ha monomono ‘e he Pule’anga neongo kuo lau miliona ‘a e ngaahi tokoni kuo ma’u ‘e he Pule’anga.
Na’e tali foki ki heni ‘a e Minisita Ako Penisimani Fifita pea na’a ne fakaha na’e ‘ikai ha fetu’utaki ange ‘a e kakai ia ‘o ‘Eua ‘o kole ha tokoni pea na’e loto lahi pe ‘a e kakai ia ke fua ‘a e ako ‘enau fanau.
Na’e faka’ikai’i mamafa foki ‘eni ‘e he Fakafofonga Nopele ‘o ‘Eua Lord Nuku ‘i he’ene me’a ‘o pehe ‘oku lahi e kakai ‘oku faingata’a’ia pea kuo nau ‘osi fakahoko mai honau faingata’a’ia kiate ia mo e Fakafofonga ‘o e Kakai ‘Eua Tevita Lavemaau ka ‘oku te’eki pe ha tokanga mai ia mei he Pule’anga.
Na’e fakamamafa foki ‘a e Fakafofonga ‘Eua ‘a e fiema’u ke fakahoko ‘e he Pule’anga hono fatongia totonu ki he kakai ‘o e fonua pea ke fakahoko he taimi totonu.
3 comments
-
Ko e úluaki foí pulu pe eni á Ákilisi mo e PATOA pea íkai hapoáki ho nau nima ka nau fakafepakií áki hono tali ákahi pe í he éa hange'ha soka kae kovi he óku lahi ai e loi ó hange' ko e mioí ko eni á e minisita ako. Ko hai ia é foaki atu ki ai ha meáófa tokoni paánga pea ne talamai óku íkai ke ne fiemaú? Óku moóni e Fakafofonga naé totongi e ako ia á Haápai i he ósi é nau matangia. Ákilisi ala ó fai ha meá ke mole kiai émau paánga tukuhau kaeóua teke fakatau mohenga King Size áki é koe. Ko e kakai óku nau kei muimui atu óku nau maumau fakamisini pea nounou fakavesitapolo.
-
Kei 'ita pe a peni fifita ia he kau 'Eua he'enau 'ilo 'ene me'a na'e fai ai he taimi na'e faiako ai 'I 'Eua High. Kae 'eke atu pe kihe fa'ahinga na'a nau faiako fakataha he taimi ko ia pe koe ha koaa e me'a na'e hoko.
-
Kenau toe tokoni ‘aki e pa’anga mei fe kuo ‘osi e pa’anga hono kai ‘ehe PM mo’ene kau kengi , pea tokanga ha Bank I muli kuo fakahu atu ha personal account e $74 miliona ai