Fakaava 'Ofisi Kautaha Vakapuna Lulutai 'i he Vahefonua Vava'u

Fakatatau ki he fakamatala 'a e CEO 'o e Kautaha Vakapuna Lulutai Poasi Tei 'i hono fakaava 'a e 'Ofisi ni koe konga pe 'eni 'a e feinga 'a e kautaha ke fakalakalaka'i 'ene ngaue ki he 'otu motu tautautefito ki he Vahefonua Vava'u 'a ia koe feitu'u manakoa taha ia ki he Takimamata 'i Tonga ni.

'I ha me'a makehe 'a e 'Eiki Tokoni Palemia Hon. Samiu Kuita Vaipulu koe memipa 'o e Poate 'a e Kautaha Vakapuna Lulutai lolotonga 'a e ouau ni na'a ne fakaha ai kuo a'u ki he kau pasese 'e toko taha kilu tupu kuo fetuku holo 'ehe kautaha ni talu hono fokotu'u 'i he ta'u 2020.

Na'e hoko atu 'a e 'Eiki Tokoni Palemia 'o fakamahino 'oku fakahoko 'a e ngaue ke 'omai 'a e vakapuna 'oku toe lahi ange 'a e kautaha ni pea ke kei fakalakalaka ai pe 'a 'ene fakahoko fatongia ki eh kaha'u.

Na'e kau atu ki he ouau ni 'a e kau memipa 'o e Poate 'o e Kau Talekita pehe ki he kau fakaafe tokolahi.