Fakamavae 'a e fonua mo Lord Fusitu'a

Ko Lord Fusitu'a ko e 'Eiki Nopele ia mei Niua Fo'ou pea ko hono tofi'a ko Sapa'ata mo e ngaahi 'elia kehe pe 'i Niua Fo'ou.

Ko e pekia 'eni 'a Lord Fusitu'a 'i hono ta'u 51 pea na'e pekia 'i 'Aokalani Nu'usila hili ia 'ene fe'ao mo e mahaki kanisaa 'i ha ngaahi ta'u.

Na'e hoko 'a Lord Fusitu'a koe Fakafofonga Nopele ki he Vahefonua Niua 'i he ta'u 2014 pea na'e pau ke tukuange hono sea hili ia 'ene tengetange 'i he ta'u 2020 'o pau ai ke me'a 'i Nu'usila 'i he ngaahi 'uhinga faka faito'o.

Ko Lord Fusitu'a na'e kau 'i he kau mataotao 'i he mala'e 'o e Lao 'i he Fale Alea 'o Tonga pea na'e matu'aki 'ilonga 'ene maheni he mala'e ko'eni lolotonga 'a e ngaahi feme'a'aki 'a e Fale Alea 'o Tonga.

Na'e toe 'iloa pe foki 'a e 'Eiki Nopele ni 'i he'ene kau ki he ngaahi Kautaha Faka Fale Alea faka feitu'u mo fakamamani lahi pea na'a ne Sea 'i he Kulupu Faka Fale Alea 'oku nau poupou ki hono tau'i 'o e faihala.

Ko e hoko hake 'a Lord Fustitu'a 'o fetongia pe 'ene 'Eiki 'i he hingoa tukufakaholo koe Nopele Fusitu'a pehe ki he fatongia Fakafofonga Nopele ki he Fale Alea ma'a e Ongo Niua  talu pe mei he pekia 'ene 'Eiki 'i he ta'u 2014.