Tali ‘e he Poate ‘Uhila ke ne fua ‘a e fakamole ki hono afe’i ‘a e laini ‘uhila ^Featured

‘Oku kei ‘iai pe ‘a e faingamalie ki he kau ma’u ‘uhila ‘I he ‘elia Nuku’alofa ‘aia ‘oku nau kau atu Ki he poloseki “Nuku’alofa Network Upgrade Project” ke fua ‘e he poloseki e ngaahi fakamole ki ha fiema’u hoko fo’ou. ‘Oku lave monu aipe moe kau ma’u ‘uhila ‘I Vava’u ki he poloseki fakafo’ou laine ‘uhila ki Vava’u.

‘Oku fakafuofua ki he kasitoma ‘e 750 pe lahi ange ‘e lave monu he tokoni ko’eni , ka ‘oku ‘iai e ngaahi makatu’unga ke fai hono fakatokanga’i:

• ‘E fai e sio ki he loloa ‘o e laine ‘uhila, ‘o makatu’unga ‘I he lahi e fiema’u faka’uhila pehe foki ki he tu’uanga ‘o e mita ‘uhila, pea mo fakapapau’i kuo ‘osi au kiai ‘a e netiueka ‘uhila ‘o e Kautaha ‘Uhila
• ‘Oku fiema’u ke fakakakato mai ‘e he tokotaha fiema’u ‘uhila ‘a e fiema’u fakapepa ‘o kau ki ai ‘a e ngaahi fakangofua ngaue faka’uhila (electrical permit)
• ‘Oku kei tu’uma’u pe a totongi Bond ki he u ngaahi hoko fo’ou.

Kataki fakatokanga’I ange ‘oku malava pe ke toe ‘I ai mo ha ngaahi makatu’unga kehe ‘o kapau ‘e lahi ange ‘a e fiema’u faka’uhila ‘i he ngaahi fakafuofua kuo fai ‘ehe Kautaha ‘Uhila. Kiha toe fakaikiiki, fetu’utaki mai ki he Pule Le’ole’o Nikolasi Fonua he 21-400.