‘Uluaki Ngofua Faito‘o “Remdesivir” ki he COVID-19: Potungāue Mo‘ui Lelei U.S.A. Featured
Ko e ‘uluaki faito‘o kuo fakangofua ‘e he U.S. FDA ke ngāue ‘aki ko e Lematesivoa (remdesivor). ‘Oku faka-‘aonga‘i huhu vai-siliva (intravenous) pe. Kuo sivi ‘o mo‘ui ai ‘a e kakai tokolahi 'o tafia ai 'a e Koloná, ka kuo te‘eki ai ke ta‘ofi ai ‘a e maté 'a e ni'ihi kuo fuoloa 'enau puké mei he COVID-19. ((Zsolt Czegledi/MTI via AP).
Liliu Lea Tonga ‘a Sione Ake Mokofisi (By Marilynn Marchione - The Associated Press)
Washington, DC: Na‘e ‘aho pe ‘e 5 ‘a e tauhi ‘aki ‘o Palesiteni Donald Trump ‘a e faito‘o fo‘ou ko e “lematesivoa” (Remdesivir) ‘o vave ai ‘a e tafia ‘a hono fokoutua ‘i he COVID-19, mei ‘Okatopa 1 ki he 5, 2020. Pea kuo fakangofua mai ‘aneafi, ‘Okatopa, 22, ‘e he Potungåue Mo‘uí ‘Ameliká (FDA, Food & Drug Administration) ke faka‘aonga‘i ‘aki pe ‘a e huhu vaisilivá (intravenous).
Faito‘o ‘a e Kautaha Gilead Sciences, Inc.
Ko e faito‘ó ni 'oku fakafofonga'i ‘e he kautaha Kalefōnia ko e Gilead Sciences, Inc. Ka na‘e hu‘ivai mei he Chemical Works of Gedeon Richter, PLC., Budapest, Hungary. Kuo nau fakahingoa faka-saienisi ko e “veklury”. Ko e vavetahá ‘a e ngāue ‘a e faito‘ó ni ko e ‘aho ‘e 5, ka ‘oku ‘avalisi mei he ‘aho ‘e 10 ki he 15, fakatatau ki he sivi ‘a e U.S. National Institutes of Health.
“Kuo tau ma‘u ‘a e ‘ilo mo e mahino totonu mo e ngaahi me‘a-ngāue ke tau‘i ‘a e COVID-19,” lau ‘a e toketā pule ‘o e Gilead Sciences, Inc., Dr Merdad Parsey. Pea kuo fakangofua pē kuo faka‘atā fakataimi ‘i he ngaahi fonua ‘e 50, tānakimai ia ‘a Dr. Parsey.
Fiema‘u Fakakakato Sivi ‘a e WHO
Tānaki ki ai mo e faikehekehe ‘o e sivi mo e fakatotolo ‘a e U.S. FDA mo e WHO. ‘Oku ta‘e-falala ‘a e U.S. FDA ki he WHO ko e te‘eki ai kakato ‘enau sivi mo e fakatotoló. Na‘e te‘ekiai kenau fai ha sivi “placebo group” ‘a ia ‘oku fiema‘u ke fakakakato ‘a e fakatotoló‘i ‘o e ngaahi faito‘o fo‘oú.
‘Oku tu‘uaki foki ‘e he WHO ‘oku ‘ikai lava ‘e he Lemitesivoá ‘o ta‘ofi ‘a e maté mei he COVID-19. Ko e ngofua mei he U.S. FDA na‘e tefito mei he sivi‘i ‘e he fakatototolo‘i kehekehe ‘e tolu. Na‘e fakamatala ‘e Commissioner Stephen Hahn:
‘I he lolotongá, ko e “steroid dexamethasone” pe kuo ngali ‘okú ne lava ‘o fakasi‘isi‘i ‘a e maté mei he COVID-19. Kuo faka-ngofua ‘e he FDA ke faka-‘aonga‘i ‘i ha fiema‘u faka-tu‘upakē. ‘A ia na‘e faka-‘aonga‘i ‘ia Palesiteni Trump. ‘Oku te‘ekiai ma‘u-ngofua ke ‘oatu ki he fonuá.
