Tu'uta toko 141 mei Christchurch Nu'usila 'i he Mala'e Vakapuna Fua'amotu Featured
11 'Okatopa, 2020. Na'e tu'uta mai 'a e kau folau 'e toko 141 'i he mala'e vakapuna Fua'amotu 'i he 'aho Falaite 9 'o 'Okatopa ko e folau hangatonu mai mei Christchurch Nu'usila.
Koe toko 141 ko'eni ko kinautolu na'a nau folau atu he polokalama toli fo'i'aku 'a e Pule'anga pea koe lava kakato 'eni 'a e ngaahi ngaue mo e alea ki hono fakafoki mai kinautolu talu mei honoi ta'ofi 'a e fefolau'aki faka vaha'a pule'naga hili 'a e mafola 'a e covid-19.
Ko e folau ko'eni na'e fakapa'anga ia 'e he ngaahi kautaha mo e ngaahi faama na'e ngaue kiai 'a e ni'ihi ko'eni pea koe konga pe 'eni 'o e fealelea'aki ki hono fakafoki mai kinautolu ki honau ngaahi famili.
'Oku tauhi foki 'a e ni'ihi ko'eni 'i he hotele Tano'a pehe ki he Kemi Taliai 'o fakahoko ai hono kolonitini kinautolu ki he 'aho 'e 14 'o fakatatau mo e tu'utu'uni 'a e Potungaue Mo'ui.
'Oku kei hokohoko atru ai pe 'a e alea 'a e Pule'anga mo e ngaahi fonua muli ki hono fakafoki mai hotau kakai.
