Foaki 'e he Pule'anga 'Aositelelia ngaahi me'alele fo'ou Potungaue Polisi
15 'Aokosi 2024. Na'e foaki 'i he ho'ata 'o e 'aho ni ' 'e he Talafekau Lahi 'o 'Aositelelia ki Tonga, H.E. Mr. Brek Batley, ki he 'Eiki Palemia, Hon. Hu'akavameiliku, ka ko e Minisita Polisi, Tamate Afi mo e Ngaahi Me'a Fakafokifa, ha me'a'ofa ko e veeni 'e 25.
Na'e fakahoko 'a e foaki me'a'ofa ko'eni i ha polokalama makehe he 'Apitanga Polisi Longolongo.
Ko e ngaahi me'alele ko eni 'e tokoni ia ki he fatongia malu'i 'a e Potungaue Polisi 'a Tonga ki he fakataha 'a e Kau Taki 'o e Ngaahi fonua 'o e Pasifiki 'e fakahoko mai ki Tonga ni he faka'osinga 'o e mahina ni.
'Oku mahu'inga foki 'a e me'a'ofa ko'eni pea 'e tokoni lahi 'eni ki hono fakaivia 'a e fua fatongia 'a e Potungaue Polisi 'o 'ikai ngata 'i he fakataha 'a e kau taki 'o e Pasifiki ka koe ngaue faka polisi mo malu'i ki he fonua fakalukufua.
