Tonga ko ‘etau ‘alu ki fe? Featured
Lau 'a e 'Etita
Tonga ko ‘etau ‘alu ki fe?: Totu’a e faihala mo e faihia
‘Oku ‘alu pe ‘aho mo e fakautuutu ange ‘a hono fehu’ia ‘o e halanga ‘oku ‘alu kiai ‘a e fonua pea ‘oku lahi mo hono fehu’ia ‘a e tu’unga ‘oku ‘i ai ‘a e faitu’utu’uni ‘a e kau taki tukukehe ange ‘a e ‘alu ke fakalalahi ange ‘a e faihia ‘i he fonua mo hono fetuku holo ‘a e faito’o konatapu.
‘Oku fai ‘e he ngaahi kautaha mitia honau fatongia totonu pea poupou ki ai mo e mitia faka-sosiale hono ‘ohake ‘a e ngaahi kaveinga ‘oku kaungatonu ki he mo’ui ‘a e kakai mo hono fehu’ia ‘a e founga hono tataki ‘a e fonua.
‘Oku kau mai mo e kakai ‘o e fonua ‘i he talanga ‘i he mitia faka-sosiale ‘a ia koe faka’ilonga ‘o ‘enau ‘ilo mo ‘enau hoha’a ki he founga ‘oku fai’aki honau tataki pea ‘oku mahino mei ai ‘oku mo’ui ‘a e laumalie ‘o e temokalati.
‘Oku kehekehe ‘a e fakaanga mo e loto kovi pea kehekehe mo e taufehi’a mei he fatongia ko hono tala ‘a e mo’oni he ‘okapau ‘oku mo’oni ‘a e me’a ‘oku fai kiai ‘a e fakaanga pea ‘oku mahu’inga ke tali pea tau ako mei ai pea kapau ‘oku ‘ikai mo’oni pea ‘oku natula lau’i kovi’i pea ‘oku ‘osi fakatoka ‘ehe lao ‘a e feitu’u ke fakatonutonu mei ai 'i he founga maama mo faka-sivilaise.
‘Oku hoko foki ‘a e fakaanga ‘i he mitia mo e mitia faka-sosiale koe kuli le’o pea ‘oku tokoni lahi ki hono ta’ota’ofi ‘a e kau taki mei ha’anau homo atu ‘o hange ha fanga hoosi hola (hufanga he fakatapu).
Ko e ngaahi tu’utu’uni ‘oku hoko ‘i he Pule’anga he ngaahi ‘aho ni mo e founga ‘oku fai ‘aki ‘a e tataki ‘o e fonua ‘i hono ‘ai mahino ‘oku fu’u fakalilifu pea ‘oku ‘i ai ‘a e tokolahi ‘o e kau taki ‘oku ‘ikai ha’a nau teitei teteki pe tokanga mai ‘e taha ki he hoha’a mo e fakatokanga ‘oku fai mei he kakai.
Ko hono lolo ‘o e fakaanga mo hono fakamanamana’i ‘o e kau ngaue he Pule’anga mo ‘ene ngaahi poate koe founga faka-tikitato ia pea mo faka-papeliane pea koe me’a pango ‘oku lolotonga hoko ‘eni ‘i Tonga ni he ngaahi ‘aho ni.
‘Oku ‘ikai puli foki ‘a e tui ‘a e Palemia ‘o e ‘aho ni ki hono tuku fakatafa’aki ‘a e lao pea ko hono ola koe felekeu ‘a e founga ‘oku tataki ‘aki ‘a e fonua ‘o ‘ikai ke mahino pe ‘oku hu’u ‘a e fonua ki he halafononga fe.
Kuo lahi ‘a e mo’ua pa’anga ‘a e Pule’anga ‘i he ngaahi fakatonutonu mo hono tukuaki’i hala’i ‘a e kakai ‘oku nau taufehi’a kiai pea ‘oku ‘amanaki ke toe lahi ange ‘i he kaha’u.
Kuo nau mamau'i 'a e ngaahi aleapau pea teke mo e ngaahi kaveinga 'oku 'ikai ke faka-Konisitutone.
Kuo fekau’i ‘i he founga kehekehe ‘a e kau taki ‘o e ngaahi Potungaue ‘a e Pule’anga mo e ngaahi Poate kenau fakafisi mo malolo mei he ngaue.
Ko e fakamuimui taha ko hono fekau ‘a e pule ‘o e Poate Taulanga ke malolo mei he ngaue ko’ene feinga ke fakamavahe’i ‘a e ngaahi vaka ‘o e taha ‘o e kau Minisita mei he Uafu Faua pehe ki hono ‘eke honau mo’ua ‘oku laukilu ki he fonua.
‘I he taimi tatau ‘oku nima’aki ‘e he Pule’anga ‘a e kakai siokita, fakalai mo fakahekehe mo ta’e’ofa ke fakahoko ‘enau ngaahi faka’amu pea ‘oku ta’e’amanekina ‘a e kakai 'e ni'ihi ‘oku taku ‘oku nau poto kenau fakahoko ‘a e ngaahi faka’amu faka-tikitato ko’eni.
‘Oku fakautuutu ‘a e hiki e totongi e tukuhau pehe ki he koloa pea kuo pikoua ‘a e tu’a ‘o e kakai he feinga kenau manava.
'Oku 'ikai ke holo 'a e totongi 'a e ngaahi sevesi 'a e Pule'anga pea hange ha loketi 'a e patiseti 'a e fonua ka 'oku kei ma'ulalo 'a e koloa hu atu moe pa'anga hu mai.
‘Oku holo ‘a e tu’unga ‘o e ako pea koe sipoti ‘oku ‘i he tu’unga moveuveu mo ‘ikai faka-polofesinale hono fakalele pea kuo feinga ‘a e pule’anga kene pule’i ‘a e sipoti ‘i he fonua ‘o fou 'i he founga fakamalohi mo fakamanamana.
‘Oku kaka ‘a e kalafi ‘o e faihia ki he ‘ataa pea lahi mo e mate he hala pehe ki hono fetuku holo ‘a e faito’o konatapu.
‘Oku toe fakaleleloto foki ko hono tala ‘e he Palemia pehe ki he Minisita Polisi ‘oku nau ‘ilo ‘a kinautolu ‘oku nau fetuku holo ‘a e faito’o konatapu ka ‘oku ‘ikai hanau mafai kiai.
‘Oku fakahoko mai ‘e he konga 'o e ngaahi me’a ‘oku hoko hotau ‘atakai hange koia 'oku ha konga lalahi 'i 'olunga ‘a e vaivai ‘a e tu’unga hono fakalele ‘o e fonua pea muimui mai mei mui ‘a e fehu’i ki Tonga pe ko ‘etau ‘alu nai ki fe?.
3 comments
-
Not surprising but " birds of a feather flock together" Before speaking make sure your tongue is connected to your brain . I wish I spoke IDIOT so I could tell you off in your own LANGUAGE . One has to be a numskull not to see where the country is heading . The Governing body that's in power is rife with nepotism , bribery and corruption , bully pulpit tactics , plus they are utterly incompetent. Why is this farce allowed to continue ? One might ask is there something more to it than meets the eye ? surely someone should be able to put a stop to this headlong rush into the the abyss . It is obvious from what one could see that this Governments policy is ; if ifs wishes complies with the law than good , BUT; if it don't ! than to hell with the rule of LAW . One could say that the elite who rule the roost can pick and choose according to their whim and no one will dare question . What a mockery to law and order , when the Minister of Police admits he knows those responsible for the importation of illicit drugs into the Kingdom but he will not divulge their names WHY ? the same goes for the Premier he too admits , he knows who is responsible but won't say who they are , the question again WHY ? could it be that there is something sinister going on behind closed doors , so much so that these two people in the most prominent positions in the Government are too afraid to speak up ? WHO are they afraid off ? the Premier is the top man , if not then who is the ALPHA who wield such an enormous influence within Government that leaders clam up . One wonders . . .
-
'Oku mo'oni e lau ko'eni 'a e 'Etita pea 'oku mahino a e taumu'avalea 'a e vaka 'oe fonua, 'Oku pango he 'oku 'ikai ha tokanga mai kiai 'a e 'Eikivaka mo kinautolu 'i fungavaka he kuo 'ikai kenau fie fanongo pea 'oku mahino a e 'ikai ha'atau taukeu 'i he fakalele 'o e fonua pea ma'ulalo mo 'enau tu'u ga fakaako 'o fakahoa ki he ngaahi pule'anga ki mu'a na'e toka'i faka-pasifiki mo fakamamani lahi Ko e me'a 'eni 'oku ui koe fakalokua mo'oni.
-
Poupou atu ki he tohi ko eni, pea kuo a'u eni kiha taimi kuo 'ilo 'ehe kakai kotoa e ta'emaau, ta'efakapalofesinale, moe matu'aki ta'e'ilo 'ae kau taki kihe anga hono pule'i mo fakalele e fonua.
Koe ni'ihi pe eni e ngaahi me'a 'oku ou tokanga atu ki ai:
1. Poate Taulanga - kau e fakamatala 'a Dr Kioa ki hono fakamaloloo'i 'o Mosee Lavemai he ma'ulalo taha kuou fanongo kiai, tautefito koe ha'u tonu mei he toketa. Mea' ni ko 'ene lelei taha eni mo 'ene ki'i poate? 'oku nau pehee 'oku tau vale he laukonga moe 'analaiso e ngaahi me'a 'oku hoko?
2. Komisoni 'Uhila - koe sino ma'olunga taha eni ki hono pule'i, fale'i mo faitu'ututu'u ni ki he 'uhila he fonua ni. 'Oku fiem'au ha kakai ako lelei, ma'u e 'ilo faka-tekinikale, faka-lao mo faka-management kae lava ke fai lelei e tu'utu'uni 'ae Komisoni. 'Oku ma'u nai 'ehe ongo pulefakavahe kuo fili atu 'ehe minisita pa'anga ke memipa he Komisoni e ngaahi 'ilo moe taukei ko eni? Pea nofo mai moe ongo tangata mala'e ako (puleako moe talekita ako he siasi Katolika moe Uesiliana), ke na faka'uto'uta'i e Komisoni. Koe toki Komisoni katuni taha eni kuo tau sio ai he fonua ni..
3. CEO MoI - mahino eni ia kuo ta'e'aonga e fu'u fakatotolo moe tu'utu'uni na'e fai 'ehe PSC fekau'aki moe faifatongia 'a Ringo he ngaahi ta'u na'e CEO ai he MoI. Na'e ta'emaau mo fai e valau lahi he pa'anga tokoni langa afaa ki Ha'apai koe 'ikai muimui a Ringo he procurement process. Koe toe Ringo tatau pe eni kuo fil mai ko enii. Mahalo 'oku fiema'u 'ehe kautaha langa ia 'a 'Alavini Sika, brother 'o Semisi Sika, ha fu'u 'inasi lahi he ngaahi langa tokoni afaa Gita. Ki'i fifili pe koe ha e me'a 'a Ringo na'e fai kia J.Sika ke ne toe ma'u ai e lakanga CEO.
Toki hoko atu.