Nuku’alofa, 4 Sune 2016. Na’e toe ha he Fakamaau’anga Lahi ‘aneafi Falaite 3 Sune ‘a e tokoua ko e ongo memipa ‘o e Poate Liiki Fakafonua ‘a Tonga Tonga National Rugby League Incorporated (TNRL) ‘i hono faka’ilo kinaua ki he talangata’a ki he Fakamaau’anga.

Nuku’alofa, 20 Mē, 2016. Kuo tu’utu’uni ‘e he Fakamaau Polisi ko Penisimani Ma’u 'i he pongipongi 'o e 'aho ni ke mo’ua ‘a e ‘Etita ‘Ofa Vatikani, Faipulusi Laucala Pohiva mo e Nusipepa Kele’a fe’unga mo e pa’anga ‘e $28,000 ki he lau’ikovi’i mo hono paaki ha fakamatala ‘ikai mo’oni mo loi.

Nuku’alofa, 20 Mē 2016. Kuo faka’ilo ‘e he Potungāue Polisi ‘a e Kōvana Ha’apai Mo’ale Finau ki he faka’uli ta’etokanga ‘o tupu ai ha lavea. Na’e hoko ‘eni ‘i he Hala Hihifo ‘i Tongatapu ‘i he ‘aho Tūsite 17 ‘o Mē ’a ia koe Tūsite ia ‘o e uike ni.

Nuku'alofa, 19 Me 2016. Kuo faka’ilo ha ‘Ofisa Ma’olunga he Potungāue Toutai ko Poasi Ngaluafe ta’u 49 fekau’aki mo e pekia ‘a Uini Kava ta’u 46 ‘i he hala By-Pass ‘i he pongipongi Sapate 8 ‘o Mē 2016

Nuku'alofa, 16 Mē 2016. Na’e fakahoko ‘e Tu’i  Fakamaau Lahi Owen Paulsen ‘i ha’a ne tu’utu’u ni fakataimi (Interim Ruling) fe’unga mo e peesi ‘e 40 ‘i he ‘aho 11 ‘o Mē fekau’aki mo e hopo ‘eke ‘i he vaha’a ‘o e kau Talatalaaki ‘a ia ko Silivenusi Taumoepeau, Tavake Fangupo mo Taufa Fukofuka mo e kau Faka’iloa ‘a ia ko Semisi Sika, Stan Moheloa mo e Tonga National Rugby League Incorporated (TNRL).

Nuku’alofa 6 Mē. Kuo ‘ikai tali ‘e he Fakamaau Lahi Micheal Scott 'i ha tala tu'utu'uni ‘i he Fakamaau’anga Lahi ‘i he pongipongi 'o e 'aho ni ‘a e Tangi ‘a Solomone Palu, Mateni Tapueluelu (‘Etita), Laucala Tapueluelu (Faipulusi) mo e Nusipepa Kele’a.

Nuku’alofa, 28 ‘Epeleli 2016. Ko e ongoongo fakamamahi ia ‘a hono fakapoongi ‘e he matāpule ta’u 31 mei Mataika Tongatapu ‘a hono ta’okete ta’u 34.

Nuku’alofa, 20 ‘Epeleli 2016. Kuo ma’u ‘e he kau polisi hili ia ha’a nau fekumi ‘o laka hake he uike ‘e taha ki he tangata popula hola ko Heamani Lopeti ta’u 41 ‘a ia na’e hola lolotonga hono tauhi fakalao ‘e he kau Polisi.