'Ikai Tali Fakamaau'anga Tangi Tangi 'a 'Etuate Lavulavu Hopo Fili Fale Alea Featured
Nuku’alofa, 16 Sepitema 2015. Na’e ‘ikai tali ‘e he Fakamaau’anga Tangi ‘i he houa pongipongi ‘o e ‘aho ni Pulelulu 16 ‘o Sepitema ‘a e tangi ‘a e Faka’iloa Minisitā Ki he Ngaahi Ngāue Lalahi mo e Takimamata Etuate Sungalu Lavulavu.
Ko e tangi ‘eni ‘a e Fka’iloa fekau’aki mo e ‘ikai tali ‘e he Tu’i Fakamaau Lahi Justice Owen Paulsen ‘i he Fakamaau’anga Lahi ‘a ‘ene fokotu’u ke fakamaau’i ‘eha kau Sula ‘ene hopo mo Dr. Viliami Uasikē Latū mo ‘Aisea Silivenusi.
Ko e hopo ‘eni fekau’aki mo hono faka’ilo ‘e he ongo talatalaaki ‘a e Faka’iloa fekau’aki mo ha’ane mamau’i ‘a e Lao mo e tu’utu’uni ki he fili Fale Alea ‘o hoko ai ‘ene totongi fakafufū ‘a e kakai ke fili kiate ia ‘i he Fili Fale Alea ‘o e ‘aho 27 ‘o Novema 2014.
‘Oku mahino mai mei he tu’utu’uni ‘a e Fakamaau’anga Tangi ‘oku ‘ikai kenau tali ‘a e ngaahi makatu’unga ‘o e tangi ‘a ‘Etuate Sungalu Lavulavu pea ‘e kei tu’uma’u ai pe ‘a e hopo ko’eni ‘o hangē ko e tu’utu’uni ‘a e Tu’i Fakamaau Lahi ‘i he Fakamaau’anga Lahi ke fakahoko pe ‘e he Tu'i Fakamaau Lahi 'a e hopo ko'eni 'o fakatatau ki hono tu'unga faka-Lao.
'E tu’ulahoko ai pe hono fakahoko ‘o e hopo ni ki Vava’u 'i he faingmalie vave taha 'o hangē koe tu'utu'uni 'a e Fakamaau'anga Lahi ki mu'a pea ‘oku te’eki ke mahino mai ha ‘aho ‘e fakahoko kiai. Na’e fakafofonga’i ‘e William Clive Edwards ‘a e fa’ahi ‘a e Talatalaaki pea ‘Ofa Pouono ma’a e Tafa'aki 'a e Faka’iloa.
6 comments
-
Sifa kataki pe he tuai tali atu ho'o fehu'i. Ko e makatu’unga ‘o e tangi a Lavulavu koe Kupu 99 ‘o e Konisitutone ‘oku ne ‘oange ‘a e totonu ki ha taha kene fili pe ‘e Fakamaau’i ia ‘eha Sula pe koe Fakamaau pe. Kaikehe koe tu’utu’uni ‘a e Fakamaau Lahi na’e tali ‘e he Fakamaau’anga Tangi ‘oku makatu’unga ‘a e ‘eke fekau’aki mo e Lao Fili ‘oku makehe ia ‘o tatau ai pe pe koe ‘eke sivile pe koe ‘eke hia. ‘I he’ene pehe ‘oku ‘ikai ke nofotaha ia ki hao siofi ha totonu fakataautaha ka ‘oku ne siofi a e tau’ataina mo e potupotu tatau (fairness) ‘a e fili he koe poutuliki ia ‘o e sosaieti faka-temokalati. ‘I he’ene natula kehe leva ‘oku ma’a ange ke fakamaau’i pe ‘eha Fakamaau fakatatau ki he Lao
-
'Ai pe kataki kaume'a ke lahi he 'oku 'ikai puli ha me'a ia he fakamaau lahi 'aupito'aupito.
-
Ko e ngaahi polokalama fale alea 'o e uike kuo'osi ko 'ene afe pe talanga 'o 'ohake ha me'a kia Lavu kuo 'ikai ketau kei ongo telinga 'ene 'ohofua takai holo 'i loto. Pea ko hono 'ulungaanga 'oku pehee, 'e 'ohofua takai holo ke fakapoloka pe fakatuai'i ha me'a 'oku kau kiai, ka ko'ene fo'i 'ohofua eni, pea ko e fo'i pafua tauhala. 'Ofa keke tokateu he taimi ni, okooko e ngaahi me'a teke fiema'u vivili he taimi teke nofo noa ai ho 'api 'i he hili e mole ho'o me'a kotoa
-
'Oku lelei ma'u pe 'a e tokoni ki he kakai mo fai ki he fiema'u 'a e kakai ka kuopau ke kei fakamu'omu'a ma'u pe pea 'e kei hilio m'au ai pe 'a e fiem'a'u 'a e fakamaau totonu..' Oku lelei mo tolonga ange ma'u ai pe 'a e 'ofa he mo'oni he 'ofa he kakai.
Malo Viliami mo 'Aisea e ngaue kuo mo fai he ko e kaha'u 'o 'etau temokalati 'oku nofo ia he ola 'o e hopo ko eni 'oku te u ke fai. -
Kuo fuoloa taimi ke ngaue e lao ki he motu'a ongongata'a mo kakaa ko eni. Ka koe ha nai 'oku fu'u falala pehee ai e PM kihe fu'u tama mimio mo kakaa ko eni???
-
Nepituno, kataki koeha e tu'unga na'e fakahu 'aki 'e Lavulavu 'a 'ene Tangi? Ke fakaha mai mu'a kemau 'ilo.
Pea kuo taimi ke fai ha fakafiefia fakafonua he tu'utu'uni koeni 'o lele fakataha ai pe mo e fakakekeee 'o e 'Ikale Tahi e!