‘Ikai tali 'e he Fakataha Tokoni 'a e Tangi ‘a Lord Fielakepa Featured
Tupou Tongaliuaki Filo’aulo Aleamotu’a mo 'ene Fine'eiki Mele Simiki Aleamotu'a 'i tu'a he Fakamaau'anga Lahi 'i Tisema 2015
Nuku’alofa, 16 ‘Aokosi 2016. Kuo ‘ikai ke tali ‘e he Fakataha Tokoni ‘a ‘Ene ‘Afio ‘a Tangi ‘a Lord Fielakepa fekau’aki mo e tu’utu’uni ‘a e Fakamaau Lahi 'i he Fakamaau’anga Kelekele ‘i he ‘aho 4 ‘o Tisema 2015.
Ko e tu’utu’uni foki ‘eni 'a e Fakamaau Lahi ko Micheal Scott ‘o fakata’e’aonga’i mo fakaha ‘oku ‘ikai fakalao hono fakanofo ‘o Tongapo’uli Aleamotu’a ki he Hingoa Nopele Tukufakaholo Fielakepa.
Ko Tongapo’uli Aleamotu'a ko e foha si’isi’i taha ia ‘o ‘Eiki Nōpele Fielakepa Longolongo'atumai (kuo ne pekia) mo Lady Tuna Kaimanu Fielakepa ‘a ia ‘oku kei laumalie lelei pe.
‘Oku kau foki ‘a e hingoa Fielakepa ‘i he Hou’eiki lalahi ‘o e fonua pea ‘oku kau foki ki he Ha’a Havea Lahi. Ko Tongapo’uli Aleamotu’a ‘oku lolotonga fakahokofatongia koe Pule Lahi ia ‘o e Kau Tau ‘a ‘Ene ‘Afio.
‘Oku mahino foki mei he tu’utu’uni ‘a e Fakataha Tokoni 'a 'Ene 'Afio na’e fakahoko ‘i he ho’ata ‘o e ‘aho ni ‘a e mafai ‘o ‘Ene ‘Afio 'i he tu'utu'uni 'a e Konisitutone kene aofangatuku ha tangi mei Fakamaau’anga Kelekele 'i he Fakataha Tokoni fekau’aki moha tu’utu’uni fekau’aki mo e Kelekele pehe ki he ngaahi Hingoa Tukufakaholo.
Ko e fakatonutonu foki ‘eni ‘i hono ‘eke ‘e Tupou Tongaliuaki Filo’aulo Aleamotu’a ‘a ia koe foha ia ‘o e ta’okete ‘o Tongapo’uli Aleamotu’a ko Tangaki Taulupe Aleamotu’a ka kuo ne pekia ‘a ‘ene totonu tukufakaholo ki he Hingoa Nopele Fielakepa.
‘Oku mahino mai foki mei he tu’utu’uni ko’eni ‘a e Fakataha Tokoni ko Tupou Tongaliuaki Filo’aulo Aleamotu’a 'a e 'ea pea 'oku ne ma'u 'a e totonu fakalao mo faka-tukufakaholo ki he hingoa Nopele Tukufakaholo Fielakepa.
14 comments
-
Kou malie'ia he fakamatala a Oua e Fiu, ko ho'o fo'i savolo kelekele lelei eni kuo ke hua'i mai Grandpa, ofa atu kiate koe.
-
Ko e anga 'ete sio fakafo'ituitui pee ki he uho 'o e faingata'a ko eni kuo tofanga ai si'i famili ni. 'Oku ikai ko ha me'afo'ou eni he 'oku hoko lahi pee ia he ngaahi famili tokolahi. ka ko e taha pee eni e ngaahi 'uhinga 'oku hoko ai pea ko e ngaahi me'a pee ia 'oku tau 'osi 'ilo kotoa ka 'oku fa'a ta'omia pee 'iate kitautolu
1) 'Ikai fie fanongo ki he le'o 'o e fa'e. Taimi lahi fu'u malohi e ngaahi teke mei tu'a, kau ai e ngaahi mali, ngaahi kainga, kaungame'a etc.
2) 'Ikai tali he'e si'i hono tu'unga ko e si'i.
Hange koe keisi ko eni, kapau ne tamai kehe e foha lahi 'oku kei 'iai pee fanau tangata ki Lalo hifo 'oku nau hoko ki he tu'unga. 'Iai e lea Tonga ...'Ikai 'ilo
he'e si'i 'ene kihi.
4) Natula Siokita
Kapau 'oku poto e si'i pea fekefeka mo hono nima taimi lahi 'oku ne pehee 'e ia 'oku tonu ia ke lahi. 'Ikkai topono ia he ngaahi lelei kuo ne 'osi ma'u ka e toe ala atu ia ke pae mai mo e me'a koee 'oku 'ikai kau ai.
4) Pa'anga Mafai mo e langilangi
Hange ko e lau 'a e Lotu na'e ako mai 'e SISU... lead us not into temptation and DELIVER US FROM EVIL for the kingdom the power and the glory are yours.
Ko e too'anga peeni ia 'o ha'atangata, 'a e SIO ME"A.
5) 'Ikai fa'a fai ha'ane lotu he 'oku tokoni lahi ia ki he fakamaama hoto hala mo tali e ngaahi faingata'a.
Ko e me'a eni ke tau ako ai ka 'oku 'ikai koha me'a ke tau tapalasia ai si'i famili ni kuo huki tonu ai e faingata'a ni. 'Ofa atu ki he kau fa'e 'oe familini 'oku nau tofanga he nunu'a 'o e palopalema ni. Fakatauange ki he 'Eiki ke ne 'atu ha 'ofa mo ha melino kiatekimoutolu. -
Fakanofo hingoa e he Tui a Fielakepa pea ko e Tui ena i he Fakataha Tokoni kuo ne to'o kohai ha loto e ta'e fifili. Pea kataki na kuo te lea noa kae hange koe lau a e kananga ... SAI KETAU OFO ...'ioooo
-
Kau Tangata, malo 'ae polave, pea koe me'a pe taha ke tau manatu'i 'oku kei Laumalie Lelei pe 'ae Konisetutone 'o Tonga. he koe taulama ia kene fktonutonu 'etau fononga.
1.Na'e fai 'ae fknofo hingoa 'oe Niukapu/Nopele pea fai 'ae fktonutonu he fkma'au'anga pea 'ikuna 'ae "Toko Taha 'eke pea tali 'ehe Tu'i ae tu'utu'u ni 'ae fkma'au'anga Lahi, pea fknofo 'ae hingoa nopele kihe Niukapu 'oe 'aho ni.
2. Koe hingoa Nopele Fielakepa, koe me'a fkfamili pe 'ia 'ae Famili moe Kainga 'o Fielakepa, kapau na'a nau fiefemalie'aki kihe fokotu'utu'u 'a Fielakepa kuo pekia, he koe Tangata 'oe Lao. koe fkinasi 'ae foto tehina pea toki foki kihe 'Ea totonu hili ha'a ne malolo pe pekia ????
3. Koe hisitolia 'oe 'Ata/ Nopele mo hono tuku fkholo, koe taha ia ha talanoa fungani hono fkinasi 'ae ng foto tehina kotoa ke 'osi, kae tali pe 'ae 'EA Totonu kae 'oua kuo 'osi 'ene ng Tamai pea ne toki hook 'o ai 'ae Hingoa Nopele. pea fai pehee 'o 'au mai kihe Ata hono 12. pea toki 'ae Hingoa Nopele ki Fale Lahi he na'e 'ikai ha toe Hako 'Ea Totonu kihe Hingoa.
4. Na'e malava pe ia koe nofo feofaofa ni 'ae Fale 'o 'Ata pea ma'uma'uluta 'enau nofo 'a Famili mo Ka'inga !!!!
5. 'oku kehe 'ae 'aho ni ia, he 'oku Lahi 'ae ng polepole kehekehe 'oe mo'ui.
6. Koe Konisitutone pe 'oku tali ui kiai 'ae Tu'i 'o Tonga.
7. Tau talamonuuu pe kihe Fale 'o Fielakepa ke tu'uloa 'o Laui Kuonga. -
Nuanga malo e vahevahe ka 'oku tau tau'ataina pe ke 'oatu 'etau fakakaukau ka 'oku 'ikai ko hano tuhu'i ha tafa'aki. 'Oku 'ikai puli na'e talasiti 'a Tongapo'uli ka koe poini heni ia koe hopo moe fakatonutonu kuo fai pea koe 'uhinga ia 'a e fevahevahe'aki. Malo
-
TOnu pe ketau omi e fkmatala oku mooni o oua taki halai e kaai. Nae talasiti a Tongapouli i he hingoa he finangalo oe tui (Tupou VI) he nae kei tau sii a Tongaliuaki, pea koe tuu eni a Tongaliuaki ke ekei ene totonu fkkonisitutone. Saii oku ata aupito e Tui ia mei he tukuakii nae foaki noaia e hingoa. Ko e eke leva ia he oku tukuakii koe foha kehe a Tongaliuaki. Koe mea kehe ia. Oua te tau faa ngutu lea ki he Tui he oku ikai ke tau ilo e mea oku tonu. Pea tuku a nge e case ia ko eni he koe mea fkfamili ia.
-
Koeha e me'a na'e 'ikai produce ai ha DNA TEST i he hopo ke support 'aki e tukuaki'i o e Tamai kehe? Ko e ngata'anga ia e ngaahi hu'uhu'u mo e me'a kotoa 'oku telelouniu'i holo.
-
Kuo mahino mei he hopo ni pea moe faka'apa'apa lahi ki he famili ni koe me'a hala ne 'ave ki he'ene 'afio o makatu'unga ai hono fakanofo 'o Tongapo'uli.. ne makatu'unga 'I he ngaahi talanoa loi ko'eni ne iku ke 'eke'i ai 'a e tamai 'a e 'Ea totonu ki he Fielakepa ... ko e me'a koia ne tonu ke fai pe 'e Tongapo'uli fakalotofale pea mo hono foha 'o fakafoki ki he Tu'i 'ene fakanofo ia he oku ne osi 'ilo lelei ko e si'i ia pea kapau na;'e kei mo'ui 'a Taulupe koia pe e Fielakepa pea moe fanga foha e toko 7 nai oku nau hokohoko atu pea toki fika atu leva ia kimui..
Oku tau 'ilo'i pe he'etau nofo fakafamili hotau tu'unga .. koe si'i e kei si'i ai pe ia o a'u ki ha'ane mate
Ko e Pule 'a e Tu'i oku pau ke fakakonisitutone pea oku sai pe ke to'o kae alu ki he totonu aupito he koe me'a ia oku fai ai e longoa'a koe fehopokaki ..
Moe faka'apa'apa lahi ki he famili ko'eni ... -
Maalie tama e fakamatala 'a HausiaS, ta 'oku tonu ia ke tukuange e kau fale'i kenau alu ki honau api he 'oku ngalivale 'Ene 'Afio ia he fo'i me'a koeni. Pea toe vakai atu pe na ko Ma'u Kilikili ia nane fakanofo 'a Fielakepa kae taa'i ai leva ke taulelei hhhh
-
Ko'eku ma'u koe fakanofo hingoa 'oku fai pe 'ia 'e he'ene 'Afio tefito he fale'i 'ae kau ngaue 'ae 'Ofisi Palasi. 'Oku 'iai foki 'ae va fakangaue ofi 'aupito 'ae 'Ofisi Palasi moe Tau Malu'i fonua 'aia 'oku taki ai 'a Tongapo'uli. Ne kau nai 'eni ki he palopalema?
Pea neongo t'oku pehee ko'ene 'Afio 'oku pehee na'ane decline 'eni ka koe founga 'oku kehekehe. This time, it was the privy council, pe koe fakataha tokoni pea kau mai kiai 'ae kau fakamaau; Paulsen, Dalgety, Tupou, Cato mo Tangatatonga.
Koe 'uluaki fakanofo na'e 'ikai ke hanga 'ehe 'ofisi palasi 'o siofi e tu'unga fakalao. Koe decline ko'eni koe 'osi ia hono siofi e tafa'aki fakalao. Kau 'a 'ene 'Afio ki he ongo ngaue loua ko'eni ka koe ongo sino kehekehe na'ana fakahoko.