Fakata’e’aonga’i Fakamaau’anga Lahi tu’utu’uni Pule’anga ke Fakamalōlō’i ‘a Tuna Fielakepa mo‘Eseta Fusitu’a Featured
Lady 'Eseta Fusitu'a, Hon. Poasi Tei, H.E.Dr.Kazuchika Hamuro ('Amipasitoa Maloloo Siapani ki Tonga) mo 'Ahongalu Fusimalohi
Nuku’alofa, 30 Ma’asi 2016. Kuo tu’utu’uni ‘e he Tu’i Fakamaau Lahi Owen Paulsen ‘i he Fakamaau’anga Lahi ‘aneafi 29 ‘o Ma’asi 2016 ke fakata’e’aonga’i ‘a e tu’utu’uni ‘a e Kapineti ke fakamalōlō’i ‘a Lady ‘Eseta Fustu’a mo Lady Tuna Fielakepa mei hona lakanga ko e memipa ‘i he Poate ‘a e Kau Talēkita ‘o e Komisoni Fakamafolalea ‘a Tonga.
Ko e tu’utu’uni ‘eni makatu’unga mei he tu’utu’uni ‘a e Kapineti ‘i he mahina ko ‘Okatopa 2015 ‘o fakafou mai ‘i he Minisitā ki he Ngaahi Pisinisi ‘a e Pule’anga Poasi Tei ke fakamalōlō’i ‘a e ongo fefine ni koe ‘ikai kena fie fakafisi mei hona lakanga ‘o fakatatau ki he fokotu’u mei he Potungāue ki he Ngaahi Pisinisi ‘a e Pule’anga.
‘Oku mahino foki ko hono fokotu’u ke fakatokosi’i mo fokotu’utu’u fo’ou ‘a e ngaahi Poate ‘a e Pule’anga koe konga ia ‘o e fokotu’utu’u ‘a e Palēmia mo e Kapineti ’o hoko ai ‘a e ngaahi tu’utu’uni ko’eni ‘a ia na’e ‘ikai fakalao ‘o hangē koia kuo fakamahino mei he Fakamaau’anga Lahi ‘a e fonua.
‘Oku mahino mai foki kuopau ke totongi ‘e he Pule’anga ‘a e ngaahi fakamole ki he hopo ni. Na’e fakafofonga’i ‘e William Edwards Jr. ‘a e ongo Talatalaaki pea ko e ‘ateni Seniale Le’ole’o ma’a e tafa’aki ‘a e Pule’anga.
16 comments
-
Ko e ngaahi faihala koeni he pule'anga lolotonga i hono hili ki he me'afua kuo ngata e tete ia a e hui pea toe takai takai takai, te'eki ai ha Pule'anga ia e pehee ... ko e ngaahi faihala na'e lau i he ngaahi Pule'anga ki mu'a ko e ngaahi faihala fa'ufa'u pe 'a 'Akilisi ke fakataua 'ene pepa, pea ohofua ai pe kakai Tonga o fakapa'anga e pepa ia a Akilisi kanau masiva kinautolu.
-
fakaʻau tama ke tau pangoʻia he fai tuʻutuʻuni hala moe ʻafungi. Ko ʻena kuo toe ui e Acting CEO ia e Ministry of Education ke fetongi ʻa Koloti he ʻoku ʻikai koe taha ia ʻene kau ponee. Fuʻu lahi fau e ʻafungi moe tafoki hake pe fekau e kakai ke nau fakafisi. Fefe kapau ʻe fekau atu e palemia ia ke fakafisi he kuo ʻikai ke ne kei lava fakalele puleʻanga pea ko eni kuo kamata e totongi moʻua e kau totongi tukuhau heʻenau tuʻutuʻuni hala. Taimi ke fili ha PM foʻou ʻi Sune.
-
Pea koeha leva e me'a 'e hoko atu kiai Palemia mo Poasi Tei? Temo toe tangi? Tokanga'i PM nake fekau'i a 'Aminiasi ke fakafisi tu'o 2. Fu'u lahi ho'o fa'a 'ita noa'ia he kakai 'oku nau hela hono ngaue'i e fonua Palemia, pea ke fekau kenau fakafisi. Nake 'osi fekau ka 'Amini ke fakafisi, pea talamai 'e ia 'oku 'ikai koe Tu'i koe keke fekau'i ia ke fakafisi. Tafoki hake 'o fekau'i e CEO 'o e TCC ke fakafisi, hanga mai ia 'o faka'ilo e Kele'a. Hanga hake ka Lord Sevele o fekau'i ke fakafisi, talamai 'e ia 'oku 'ikai hao mafai 'ou kiai. Ko 'eni kuke tepu 'ia Poasi 'o fekau'i a Lady 'Eseta & Tuna kena fakafisi, talamai 'enaua he'ikai. Totongi leva 'ena fakamole Palemia, pea tuku aa ho'o fa'a 'oho hala holo na'a taa'i koe 'eha finemotu'a. 'Oku 'ikai 'uhinga ho'o Palemia keke tu'utu'uni noa'ia ai ki he kakai kenau fakafisi, he'e iku mole ai 'emau tukuhau. Poto aa hena mo koe Poasi, tuku aa e 'ai'ai noa'ia moe fakapiko.
-
Ko hono toki tuli eni e Akilisi a Aminiasi he ikai ke moua e ongo finematu'a ni .... he'ikai ke ta'e tuli leva e Vuna ia mo e Fakamaau he'ikai ke comply pea mo e tu'utu'uni 'a e Kapineti ... pea kou kole atu kaunga laukonga he fale ni, 'ai pea tau ki'i fakataha hifo ki he square o e digicel ketau fe'auhi kata mu'a he fa'ahinga pinga 'a e Pule'anga e kau poto ... maalie ee
-
Kou tui ka challenge kotoa e u tu'utu'u ni Kapineti ia e ha taha oku kaungatonu kiai hono mamahi, e bankrupt molefua ai pe si'etau Kapineti ee! Kataki kau Kapineti mou foki aa ki 'api 'o tu'utu'uni vale ki homou fanau mo homou fanga mali he oku mole e pa'anga e fonua ho'o mou laulaunoa.
-
Ko ia , fai 'enau vale kae totongi 'ehe kakai totongi tukuhau e ngaahi mo'ua. 'ofa ke ako a mei hena e fanga ki'i kau minisita kei iiki ko ena. Kae ngalo ange foki ko 'enau toki minisita pe ka na'a nau kau he kau tila fakapulipuli holo he ngaahi ngaue'anga na'a nau ngaue ai. Na'e 'iai e talanoa koe taha 'oe fanga ki'i minisita na'e ngaue koe paipa tauhitohi e taha e ngaahi poate 'ae pule'anga, pea na'e 'ota e ngaahi me'alele 'ae 'ofisi pea na'e ha'u ai moe me'alele saute (pe FOC) 'e taha mei he kautaha me'alele, 'aia na'e 'uhinga koe saute kihe poate. Ka na'e 'ave ia 'ehe paipa tauhitohi ko eni 'o hoko ko 'ene me'alele 'a'ana. Koe ngaahi talanoa pe foki, ka 'oku sai ke tau 'ilo he koena kuo a'u 'o minisita.