Toe Mo’ua $28,000 ‘Etita, Faipulusi mo e Nusipepa Kele’a ki he Lau'ikovi'i Featured
Nuku’alofa, 20 Mē, 2016. Kuo tu’utu’uni ‘e he Fakamaau Polisi ko Penisimani Ma’u 'i he pongipongi 'o e 'aho ni ke mo’ua ‘a e ‘Etita ‘Ofa Vatikani, Faipulusi Laucala Pohiva mo e Nusipepa Kele’a fe’unga mo e pa’anga ‘e $28,000 ki he lau’ikovi’i mo hono paaki ha fakamatala ‘ikai mo’oni mo loi.
Ko e hopo foki ‘eni he vaha’a ‘o e Talatalaaki ‘Aisea Filihia mo e kau Faka’iloa hili ia hano paaki ‘e he Nusipepa Kele’a ha ‘atikolo ‘i he ‘aho 18 ‘o Me 2015 ‘a ia na’e ‘ulu’i tohi ‘o pehe; “Vahe pa’anga AUD$33.80 he uike pea ‘eke ‘a e AUD$70,000 mei he kau toli.
Na’e tu’utu’uni foki ‘e he Fakamaau Polisi Penisimani Ma’u ke tali katoa ‘a e ‘eke ‘a e tafa'aki 'a e Talatalaaki pea ke totongi ‘e he kau Faka’iloa ‘a e $10,000 ki he Talatalaaki ‘a ia koe maumau lahi taha ia ‘oku malava 'eke ‘i he malumalu ‘o e Fakamaau’anga Polisi pea toe tali foki ke totongi ‘a e ngaahi fakamole ‘a e tafa’aki Talatalaaki ‘a ia na’e fe’unga mo e $18,000.
Na’e makatu’unga ‘eni ‘i he ‘ikai ke malava ke fakamo’oni’i ‘e he tafa’aki ‘a e kau Faka’iloa ‘a e ‘uhinga ‘enau paaki ‘a e ‘atikolo pea ne tu’unga ai ‘a e ‘ikai ke tali ‘e he Fakamaau ‘enau taukapo. 'Ika ngata ai ka na'e mahino koe fakahoko 'o e ongoongo ko'eni 'i he laumalie mo e taumu'a ke tukuhifo mo fakangalikovi'i 'o hange ko 'ene hā he tu'utu'uni 'a Ma'u.
Na’e hā mahino pe foki mei he tu’utu’uni ‘a Ma’u ‘a e ‘ikai mo’oni ‘a e fakamatala ‘a e ‘atikolo ko’eni pea na’a ne fakatupu ‘a e maumau ki he ongoongo ‘o e Talatalaaki pea fakatupu fehi’anekina ‘e he kakai neongo koe ongoongo loi mo ‘ikai mo’oni na’a nau paaki.
Na’e fakafofonga’i ‘e William Clive Edwards ‘a e Talatalaaki, ‘Ofa Pouono ma’a Laucala Pohiva mo e Nusipepa Kele’a pea fakafofong’i pe ‘e ‘Ofa Vatikani ia.
6 comments
-
He'ikai temou maatu'u moutolu mei he moua he oku mou lau emoutolu e talaki e faihala aki e loi moe fakanafala koe langafonua. Ikai ngata ai nemou fokotuu e foi malaia koe uki hono tutu e fonua pea ko homou tautea oku hili pe homou tumuaki. Mou tala koe uhiga e tutu koe faihala a Sevele mo e Puleanga koiaa he nemou fai fakamaau anefe？Fie otua oku lahi pea koe atuga pe ena mou kaikai afi pe ki hoomou auha mei he toutangata kihe toutangata
-
Ko Ofa Vatikani ia kuo fuhinga ene fiememe'a ia aana. Ai ai lelei hoo tukuhifo e kakai aki e ongoongo loi mo taeofa he e inu ia mo kai e hoo Fanau. Ka ne koha fakamatala mooni mo ofa fonua oku ke fai mo e Kelea heikai temou moua. Tuku aa e fakakonahi e kakai moe fakatupulua
-
Mahino leva ka koe Ofa Vatikani he aho ni oku ke paoni tatau pe koe mo Solomone Palu o hire pe homo body o kumi paanga aki ia ehe famili o Akilisi ... ta'e'uto kiaiii
-
Si'i faka'ofa e 'etita ia 'a 'Ofa Vatikani he ko hono ngata'anga pe 'ena 'o 'ona pea 'oku totonu ke afe atu ha hala 'e taha pea ka 'ikai pea hu 'o ako faiongoongo kene 'ilo e hema mo e mata'u. Kae sai he ko'ena 'oku toe lava pe 'o loea neongo 'e vave pe ha'a ne ngaue popula.
-
Pehee e Ofa Vatikani ia tene loea'i ia o hao tataha kae moua. Kaikehe tau sio tautolu he kuopau pe ke fakahu haanau tangi he koenau founga foki ia ke fakavahavaha aki e ngaahi moua ke totongi e. Ka koe hopo foki eni nae kaunga kiai e tuofefine o Piveni mo e Minisita Moui ko Louena koaa pe ko Loviena. Pe ko fefee leva e sio a e ogo poto Piveni mo Saia. Koe pepa eni a Akilisi mo hono famili oku na tuu fefeka hono poupoui oku ne taaki hono tufefine. Pea tau sio atu leva oku ikai ha toka'i e taha ia a Akilisi moe famili kiha tauhiva koe koloa pe fakatua enau pepa anautolu. Maalie e founga.
-
Osi atu ee a Akilisi moe fatunga moua hoko hake eni a hono ofefine ke paotoloaki e tau'i e faihala aki e loi. Ai mo mou fakapikopiko hako'i 1611 e fie tangata aki e loi moe fakanafala noa'ia. Pea oku te toe sio atu ko hoo mou pepa oku fakataua pea oku mahino leva koe kakai hiloloi pe oku manako lau e fautohi a e kau hiloloi. Pehee ka neu mou tupuhake pe o nofo.haapai.ni ke mou.moui totonu mo mooni.