Ma’u sino tangata’eiki ‘Amelika ta’u 74 ‘i he ‘iote ‘i Vava’u Featured
20 Tisema, 2016. Kuo fakahā mei he Potungāue Polisi na’e ma’u ‘aneafi ha sino ‘o ha tangata’eiki ta’u 74 mei ‘Amelika ‘i hono ‘iote pe ka kuo ne si’i pekia ‘i Vava’u.
‘I he fakamatala mei he Potungāue Polisi ‘oku fakafuofuoa na’e ngāue pe ‘a e tangata’eiki ni ‘i hono ‘iote ‘i he toho’anga ‘iote ‘i Vaipua ‘i Vava’u ‘o hoko ai ‘ene pekia.
Na’e ma’u atu pe foki ‘a e tangata’eiki ni ‘oku tokoto pe ‘i he funga vaka pea ‘oku te’eki fakapapau’i ‘a e tupu’anga ‘ene pekia.
Ko e tangata’eki ta’u 74 ko’eni ‘oku mahino pe koia tokotaha pe na’e folau mai ‘i hono ‘iote ki Vava’u.
Kuo mahino mai ‘i ha fakamatala ‘a e Tokoni Komisiona Polisi Pelenatita Vaisuai kuo fakahoko ‘a e fetu’utaki ki he famili ofi ‘o e pekia ki ‘Amelika pea ‘oku kei hokohoko atu pe ‘a e ngaue ‘a e kau polisi ki he kesi ko’eni.
1 comment
-
'Oku talamai ko e mate a e tangata ko e depress he talaange mei he Potungaue Kasitomu ke totongi e tukuhau laumano koe tau hono iote I Vavau, pea sii tuia ai hono puke. Tamate tangata kiai Pule'anga o e Kakai taki e Akilisi Pohiva.