Ikuna Timi Toko 7 Tonga Metali Polonise Featured
Faka'ali'ali 'E he Fanau Va'inga Hotau Metali Polonise
Nuku'alofa, 11 Siulai 2015. Kuo ikuna ‘e he timi toko 7 ‘a Tonga ‘a e metali polonise ‘o e fe’auhi ‘akapulu tautau toko 7 ‘a e kakai tangata ‘i he fe’auhi Sipoti ‘a e Paifiki Tonga ‘i Port Moresby ‘i Papua Niukini.
Ko e ikuna ‘eni 'e he timi 'akapulu tangata 'a Tonga 'a e metali polonise hili ia 'enau malohi 'i Papua 'aki e kai 19-12. Na'e ikuna foki 'e he timi ‘a Fisi ‘a e metali koula koula ‘aki ha’anau haupapa ‘a e timi ‘a Ha’amoa ‘i he fainolo ‘aki ‘a e kai ko e 33-7. Na’e foaki ai pe foki ‘a e metali siliva ki he timi ‘a Ha’amoa.
‘Oku a’u mai ki he ‘aho ni ‘oku kei tu’uma’u ai pe ‘a Tonga ‘i he fika 10 ‘i he tepile metali ‘aki ‘a e metali ‘e 4 ‘a ia ko e koula ‘e 3 mo e polonise ‘e taha. Ko e metali koula ‘e tolu koe ikuna kafakafa kotoa ia ‘a e talavou ko ‘Amini Fonua ‘i he sipoti kakau.
