Fika 8 'a Tonga hiki me'amamafa laka hake kilo 87 kakai fefine Sipoti 'Olimipiki Featured
Kunini Manumu'a
3 'Aokosi, 2021. Ko e tu'unga ma'olunga ia kuo a'u kiai 'a e finemui Tonga ko Kunini Manumu'a 'i he'ene fika 8 fakakatoa 'i he fe'auhi hiki me'amamafa 'a e kakai fefine laka hake he kilo 'e 87 'i he Sipoti 'Olimipiki 'oku lolotonga fakahoko 'i Tokyo Siapani.
Ko Kunini foki 'a e fuofua fefine Tonga kene fakafofonga'i 'a Tonga he fe'auhi hiikime'a mamafa pea kuo tu'unga 'oku a'u kiai 'a e finemui ni 'oku fakafiefia pea 'oku 'i ai 'a e 'amanaki lelei kiai he kaha'u.
Ko e poini na'e ma'u 'e he finemui ko'eni ko e 103 mei he fa'ahinga hiki ko e snatch pea poini 'e 105 ki he clean & jerk 'o ne ma'u ai 'a e poini fakakatoa ko e 228.
Na'e ma'u e koula ki Siaina 'e he fefine ko WenWen Li pea siliva 'a e fefine Pilitania ko Emily Campbell pea ma'u 'a e polonise ki 'Amelika 'e he fefine ko Sarah Robies.
,
Ko Kuinini na'e fa'ele'i ia 'i Ha'amoa 'Amelika pea tupu hake 'i Vava'u kimu'a pea toki hiki atu ki San Francisco 'i hono ta'u 10 pea kamata manako ki he fa'ahinga sipoti ni 'i hono ta'u 13.
'Oku lolotonga ako foki 'a Kunini 'i he San Francisco State University pea koia 'a e memipa 'i he timi 'a Tonga ki he Sipoti 'Olimipiki ke fakamuimui taha 'a e fe'auhi na'e kau kiai 'i he katoa 'o e timi..
