Kau atu Palesiteni mo e Sekelitali Seniale TASANOC huufi Sipoti ‘Olimipiki Momoko ‘i PyeongChang Featured
7 Fepueli, 2018. ‘Oku ‘amanaki folau atu ‘a e fakafofonga ‘o e Palesiteni ‘o e TASANOC, ‘Amanaki Fakakovikaetau ki he huufi ‘o e Sipoti hono XXIII ‘o e ‘Olimipiki he Momoko (Winter Olympic Games) ‘e fakahoko ‘i he Falaite ko eni, 9 ‘o Fepueli.
Kuo fakaafe’i foki ‘e he Komiti Sipoti ‘Olimipiki (International Olympic Committee, IOC) ‘a e kau Palesiteni mo e kau Sekelitali Seniale ‘o e ngaahi fonua kotoa ‘oku nau kau atu ki he Sipoti ko ia, pea ‘oku kau ai ‘a Tonga ni makatu’unga ‘i he lava’i (qualify) ko ia ‘a Pita Taufatofua jnr ‘i he fe’auhi Cross Country Skiing he uike ‘e ua kuo maliu atu.
Koe’uhi ko e mo’ua mo e poaki ‘a e Palesiteni, Lord Tupou, na’e tali ai ‘e he Poate ‘a e TASANOC ke fakafofonga (representative) ‘e he Tokoni Palesiteni, ‘Amanaki Fakakovikaetau ‘a e faingamalie ko ia ma’ae Palesiteni.
‘Oku kau atu ai pe foki mo e Sekelitali Seniale, Takitoa Taumoepeau ki he folau.
Ko e ngaahi fakamole kotoa ki he folau mo e nofo’anga ki he ongo fakafofonga ‘o Tonga ‘oku fua kotoa pe ia ‘e he IOC pea mo e Organizing Committee ‘a e PyeongChang 2018 pea mo ha to e fakamole kehe pea ‘oku ‘amanaki ke mavahe atu ‘a e ongo fakafofonga ‘i he efiafi ‘o e ‘aho ni.
-TASANOC
