Ikuna 'e he Mate Ma'a Tonga 'a Sikotilani 50-4 Featured
29 'Okatopa, 2017. Kuo ikuna 'e he timi Mate Ma'a Tonga 'a 'enau fuofua va'inga 'i he fe'auhi ki he ipu a mamani 'i he mala'e 'akapulu liiki 'aki ha'anau vevela'i 'a e timi 'a Sikotilani 'aki 'a e kai koe 50 ki he 4.
Ko e va'inga foki ko'eni na'e fakahoko ia 'i he efiafi 'o e 'aho ni Sapate 29 'Okatopa 'i he mala'e Barlow Park 'i Cairns pea 'i mu'a 'i he kau mamata 'e meimei toko taha mano.
Na'e fakahoko 'e he Mate Ma'a Tonga ha tata'o 'e 9 ki he tata'o pe 'e 1 'a e timi 'a Sikotilani pea na'e mahino mei he va'inga ko 'eni 'a e levolo kehe 'oku 'i ai 'a e timi Mate Ma'a Tonga..
Ko e tata'o e 7 'a e timi 'a e Mate Ma'a Tonga na'e fakahoko ia 'i he 'uluaki miniti 'e 40 pea 2 leva 'i he konga hono ua.
'Oku 'amanaki foki ke fakahoko 'a e va'inga hono ua 'a e timi 'a Tonga mo e timi Toa Samoa ki he Waikato Stadium ki Nu'usila 'i he 'aho 4 'o Novema 'a ia koe 'aho Tokonaki ia 'o e uike kaha'u.
'I he taimi tatau koe fekau fefeka 'oku 'oatu 'e he Mate Ma'a Tonga ki he ngaahi timi lalahi 'o e fe'auhi ni.
3 comments
-
Fefe kapau e liliu e lao oe RU ke hage koe NRL kou tui fonu Ikale Tahi he fanau hage koe MMT. Malo e vainga fanau
-
Fakalata.
Kou nofo o fifili pe koeha 'oku maau mo lelei ange ai e Mate Ma'a Tonga ia he Ikale Tahi! -
Congratulations Mate Ma'a Tonga.!