Tali Fale Alea fakahoko tālanga fekau'aki mo e tu'unga 'o e Ako Featured
Fanauako Kolisi Piula
18 'Akosi, 2016. Kuo tali 'e he Fale Alea 'a e fokotu'u mei he Hou'eiki Nōpele 'o taki mai 'e 'Eiki Nopele Tu'ilakepa, 'Eiki Nōpele Nuku, mo 'Eiki Nōpele Tu'iha'angana ke fakahoko ha tālanga fakafonua fekau'aki mo e palopalema 'o e ako 'i he fonua.
Na'e fakahā foki 'e he 'Eiki Palēmia 'i he Fale Alea 'i he pongipongi 'o e 'aho ni 'a e 'amanaki ke kau mai 'a e Potungāue Ako mo e kau 'ofisa ma'olunga 'o e Potungāue ki he tālanga mo e fakataha ko'eni 'a ia 'e fakahoko ia he 'aho Tu'apulelulu 25 'o 'Aokosi ki he Holo 'o e Siasi Uesiliana 'i he Hala Tu'i 'i Nuku'alofa.
'Oku fakaafe'i foki 'a e kakai 'o e fonua ki he fakataha ko'eni pea 'e kau mai kiai mo e kau Fakafofonga 'o e Fale Alea pehē ki hono fakaafe'i mo e kau ako, kau puleako mo e kakai 'o e fonua.
'Oku mahino ko e fakataha mo e tālanga ko'eni 'e tō 'a e fakamamafa ki he liliu ko'eni mei he standardization ki he raw marks 'a ia 'oku lahi ai 'a e hoha'a 'i he fonua pea uesia ai 'a e ola 'o e sivi 'a e fanau ako 'i he ngaahi kolisi 'i he 2015.
2 comments
-
Ko e ha 'enau me'a 'e fai he talanga ko eni? Te nau lava 'o fakapapau'i mai pe koe he e me'a 'e hoko ki he kau sivi Form 7 'oe ta'u ni? 'E lava 'e 'akili 'o 'omai ha fakamo'oni pau kuo tali 'ehe ngaahi 'univesiti muli moe ngaahi ako'anga ma'olunga ange 'ena ki'i sivi mo pivee? koe ha e 'aonga e toe talanga kuo ne 'osi talaki holo 'oku 'ikai 'iai ha palopalema? 'e 'omai ki ai mo hono foha mataotao mei Fisi ke fai ha'ane fakamatala kihe kakai e fonua? hala lahi e fa'ahinga pule'anga 'ai'ai noa'ia pehe.
'Ofa ke kau a langi e ngaahi sivi 'oe ta'u ni. -
Ikai tali ke holofa tae aonga e ako kae toki fai e talanga ko eni. Koe mea eni (public consultation) nae totonu ke sinaki fai ihe kamata pea toki fkhoko e liliu (implementation). Ka kuo hange puleanga ia ko eni ha hoosi toho saliote alu fkholomui. Fua fai e pule fktikitato ae PM mo Pive o maumau ai e system ako moe loto oe kakai, pea toki fai e talanoa consultation moe kakai. Maulalo lahi.