Fili ‘a Penisimani Fifita ke Sea Komiti Kakato ‘a e Fale Alea Featured
Penisimani Fifita (Fakafofonga Fale Alea Tongatapu 9), Sea Komiti Kakato 'a e Fale Alea
Nuku’alofa, 8 Sune 2016. Kuo fili ‘a Penisimani Fifita ‘a ia ko e Fakafofonga Fale Alea ia ‘o Tongatapu 9 kene hoko ko e Sea ‘o e Komiti Kakato ‘a e Fale Alea ‘i he pongipongi ‘o e ‘aho ni.
Ko hono fili ‘eni ‘o Fifita kene fetongi ‘a Semisi Sika ‘a ia kuo fokotu’u ia ki he lakanga Minisitā ki he Ngaahi Ngāue Lalahi mo e Takimamata.
Na’e fili foki ‘a e lakanga ni mei ha fokotu’u ‘e ua ‘i he Fale ‘a ia ko Penisimani Fifita pea mo Vili Manuopangai Hingano ko e Fakafofonga ‘o Ha’apai 12. Na’e ikuna ‘e Fifita ‘a e pāloti ko’eni ‘aki ha fili kiai ‘a e toko 13 kae toko 9 kia Hingano.
Ko e fatongia mafatukituki foki ‘a e Sea ‘i he Komiti Kakato ‘a e Fale Alea he ko e konga lahi ‘o e feme’a’aki mo e tipeti ‘i he Fale ‘oku fakahoko ia ‘i he Komiti Kakato. Ko Fifita foki na’a ne fai fatongia he Potungāue Ako ‘a e Pule’anga he ta’u lahi kimu’a pea ne toki hoko koe Fakafofonga ma’a e Vahenga Fili Tongatapu 9.
5 comments
-
Pehee e ongo sea ukamea ka ne mo kei piki ia Akilisi he'ikai temo to ee
-
Ko 'etau sea komiti kaakto ko'eni he kamata mai pe 'a e to'u falealea ko'eni kuo ne li mahino mai pe 'a e tafa'aki 'oku tu'u ai ko hono teke 'o e langi 'o e PM. Tau manatu ki he ongo sea komiti kakato ukamea ko Sifa Tu'utafaiva mo Sunia Fili ne iku 'o tuli naua 'e 'Akilisi he na'e 'ikai kena fakahekeheke kae tu'u pe he poini moe me'a totonu ke fakahoko. Na'e tuli mo 'Isileli Pulu neongo na'e 'ikai ke sea komiti kakato ko e tala 'a e mo'oni ki he taki. Tau fakatauange ke 'i ai ha taimi 'e 'aa e kakai 'o fakafoki mai 'a e kakai ko'eni ki he Fale.
-
Peni, ikai tuku atu e ngaue kiha taha kei si'i koe ai pea ke malolo koe ia teeki tapuni e fale alea ia.
-
Kapau koe 'atunga ena ke toe taaimu'a pe a Peni ia hono tu'uaki ia, ta 'oku tau 'ilo ai pe fa'ahinga natula e tokotaha ko ia. Na'e taaimu'a hono 'apu'i a Siaosi Pohiva 'i FaleAlea koe feinga mahalo ke minisita ako, ko ena kuo hoko atu ki he lakanga sea komiti kakato. Fiu kumi pe koe ha koaa ha'ane me'a na'e lava he Potungaue Ako, tukukehe ange fu'u tikisinale fakalanga lea na'e kau hono fa'u, pea ko ena 'oku 'ikai fiema'u 'eha taha e tikisinale ko ia.
Kou tui mahalo 'oku tonu ke 'eke atu ki he kau 'Eua ke nau talamai 'ene me'a na'e fai 'i 'Eua he taimi na'e faiako ai 'i he 'Eua High School. Na'a mau fanongo na'e fakafoki mai mei 'Eua tokua koe palopalema moe fanau ako fefine koaa pe koe ha. -
Nau sai'ia ange au kapau na ko Viliami Manuopangai na'e Sea, he koe tama fakamatala lelei pea mahino. Pea na'e 'ikai hikinima ia ma'ana he taimi paloti. Ka koe me'a nau malie'ia ai, koe fu'u ta'emaa 'a Peni 'o toe hikinima pe 'a Peni ia kiai he taimi paloti, kene ma'u e lakanga Sea. Toki mahino kia au 'ene fu'u fiema'u e lakanga Sea, he'e 'oange foki 'ehe Fale Alea hono ki'i 'Ofisi, 'utu mo 'ene me'alele pea 'oange mo 'ene faka'uli. Kae sai pe he mahalo kuo si'i fo'i he toutou 'utu 'ene me'alele, 'o fa'a ha'u ai mo foki ki Tatakamotonga.