Tapuni Faka-Lotofale Faha'i Ta'u Faka-Fale Alea 2015-2016 Featured
Lord Vaea, Pilinisi Tu'ipelehake & Lord Vaha'i
Nuku'alofa, Fepueli 26 2016. Na'e tāpuni faka-lotofale 'a e Fale Alea 'o Tonga ki he faha'ita'u faka-Fale Alea 2015/2016 'i he 'aho 'aneafi 'aho Tu'apulelulu ko hono 25 'o Fepueli 2016. Ko hono tāpuni 'eni 'o e Fale Alea kae toki Huufi faka-'ofisiale 'i he 'aho 2 'o Sune 2016.
Ko e Hou'eiki Nōpele 'e toko 3 'a ia na'a nau fakahoko 'a e fatongia ni 'o hangē koe angamaheni 'a ia ko Lord Vaea, Lord Vaha'i mo Pilinisi Tu'ipelehake. Ko e Tama Pilinisi Tu'ipelehake na'a ne me'a 'o fakahoko 'a e Folofola mei he Taloni.
'Oku paaki atu ai pe foki heni 'a e Tō Folofola mei he Taloni.
‘Eiki Sea, ‘oku ou tuku ‘a e fakafeta’i ki he ‘Otua Mafimafi ‘o ke laumālie lelei pē, pea pehē ki he ‘Eiki Palēmia mo e Hou’eiki Minisitā ‘o e Kapineti, Hou’eiki Nōpelé pea mo e kau Fakafofonga ‘o e Kakai.
Kuo kakato ‘a e fakataha alea ‘o e ta’u ko ‘ení, ko ia ‘oku ‘oatu ‘a e fakamālō ‘Eiki Sea koe’uhī ko e ngaahi ngāue kotoa kuo fakahoko ‘i he lolotonga ‘o e ta’ú ‘a ia ‘oku ‘i ai ‘a e ‘amanaki ‘e tokoni ki he lelei fakalukufua mo e langa hake e fonuá.
‘Oku fakatokanga’i ‘a e ngaahi ngāue ko ia na’e fakahoko ke tokonia hotau kāinga Vava’u mo Ha’apai ‘i he ‘a’ahi mai ‘a e Saikolone ko Winston, koe’uhī ‘oku mahu’inga ke mateuteu pē ‘a e fonua ‘i he lolotonga e faha’i ta’u ko ení mo e ngaahi fakatamaki fakaenatula.
‘Oku ‘i ai ‘a e fakamālō ki he ngaahi pule’anga muli mo e ngaahi kautaha fakavaha’apule’anga koe’uhī ko e ngaahi tokoni na’e fakahoko mai ‘i he lolotonga e ta’u ki he langa fakalakalaka ‘o e fonuá mo e ‘amanaki ki he toe ngāue vāofi ange ki he kaha’u.
‘Eiki Sea, ‘oku ‘oatu ‘eku talamonū pea pehē ki he ‘Eiki Palēmiá mo e Kapinetí, Hou’eiki Nōpele mo e kau Fakafofonga ‘o e Kakaí.
‘Ofa ke faitāpuekina kimoutolu ‘e he ‘Eiki, ‘ofa atu.
3 comments
-
Me'a mo'oni 'oku ou laupisi'ia he fa'a 'ai ko e Pule'anga 'o e Kakai, he ko e ngaahi Pule'anga ia ki mu'a na'e Pule'anga ia 'o ha fanga manu?Ko e kakai tatau pe na'e fa'u 'e Sihova ka kuo fakakalakalasi e he lotokovi mo e taufehi'a.
'Ai pea tuku e laupipisi. Mahalo ko e fakalea totonu ko e Pule'anga Pule Lelei 'a e ngaahi Pule'anga kimu;a, ko e Pule'anga FAKATIKITATO eni 'oku moto 'aki 'a e LOI mo e KAKAAA takitahi ngaue'i 'ene lelei fakataautaha. SA'A
Ko ena e osi mo e ta'u ni te'eki kenau langa ha feitu'u oku nau omi pe o lele he palani langa fakalakalaka a e Pule'anga Motu'a. Ko enau me'a pe 'oku fai ko e tauhele monuu holo he ngaahi Alea ki he faka'auha'anga 'o e fonua ni. -
'Oku tau fiefia kotoa he lava atu 'ae Falealea 'oe 2015-2016, koe ta'u mahu'inga 'eni kihe Pule'anga 'oe Kakai, he koe 'ulu'aki ta'u 'eni 'o PM Akilisi Pohiva mo'ene fuofua hou'eiki Minisita 'oe Kapineti pea pehee kihe 'Eiki Sea 'oe Fale'alea moe to'enga 'oe Hou'eki Memipa 'oe Falealea 'o Tonga.pea neongo na'a nau kamata 'aki 'ae 26 ka koe fk'osi hono tapuni 'oe Fale'alea moe hou'eiki memipa 'e 24.Kaneongoia oku tau kotoa pe he hiki 'ae Fkfeta'i Lahi 'ihe kei 'omai 'ae Fiefia mo 'Ene melino 'o nofo ia he loto Fale'alea 'o Tonga..........Fkfiefia he Vakai atu kihe Hou'eiki Nopele he'e nau fkhoko 'ae Folofola mei he Taloni 'o Tonga....Ha'a Talafale(Tu'i Pelehake), Ha'a Havea Lahi(Vaea) pea pehee kihe Ha'a Ngata Motu'a(Vaha'i)
Na'e hu'ufi 'ae To'u Falealea ko'eni. 'ehe "ene 'Afio Tupou VI pea tuku mai 'ae Pole kenau Ngaue fkutumauku kiai he to'u Falealea kuo lava.
1. Ke fai ha tokanga kihe Langa moe tu'ung fkikonomika 'oe Fonua pea
2. Pehee 'ae teuteu kihe Sipoti Pasiki 2019 aeee 'oku 'amanaki fkhoko mai ki Tonga ni.
Koe me'a fkfiefia taha koe tapuni 'oe Faleaalea fktaha moe ongoongo 'oe Talafungani kihe tupu fk-ikonomika hono 'omai 'ehe Kovana 'oe Tonga National Reserve Bank. "oku fklaka pea laka kimu'a 'ae tupu fkikonomika 'ae Fonua, Pea 'oku totonu ke tau Fkmalo kihe PM mo'ene Kapineti he ngaue lahi kuo lava pea pehee kihe ng kupu fekau'aki kotoa he kominiti, he ngaue malohi 'o tau a'usia 'ae tu'unga ma'olunga ko'eni, he fuofua ta'u 'ae Pule'anga 'oe Kakai..........koe toe pe 'ae teuteu kihe Sipoti 2019 ka 'oku 'iai pe 'ae Fkna'una'u kihe Kaha'u he 'Unu'aki Fonua 'oku fai... Huanoa ka Ta'u ua 'ae ngaue 'ae Pule'anga 'oe Kakai...... -
Ka ne 'ikai fakamalo'ia'i e tokoni ki he maumau a Winston ko e toe setesi 1 ee 'a e tapuni. Ko e tapuni Fale Alea hoko 'e fakamalo pe Tu'i ia ki he 'Otua 'ata'ataa pe.