Hoko 'a Tatafu Moeaki koe Kovana Pangike Pule 'a Tonga
Tatafu Toma Moeaki
3 Sanuali, 2023. Kuo fokotu'u 'a Tatafu Moeaki 'a ia na'e hoko koe Minisita Pa'anga Malolo 'a Tonga ke hoko koe Kovana 'o e Pangike Pule 'a Tonga (National Reserve Bank of Tonga).
Ko hono fakanofo 'eni 'o Moeaki hili hano fokotu'u pea poupou'i 'e he Minisita Pa'anga lolotonga Hon. Tiofilusi Tiueti hili ha femahino'aki mo e Poate 'a e Kau Talekita 'o e Pangike.
Na'e hoko pe foki 'a Moeaki ko e memipa he Poate 'a e Kau Talekita 'o e Pangike mei he ta'u 2013 ki he 2016 lolotonga 'ene hoko koe 'ofisa fale'i pule faka-'ikonomika ki he Pule'anga pea ne toe hoko koe CEO 'a e Potungaue Pa'anga.
Na'e hoko 'a Moeaki koe 'Ofisa Fakafofonga (Liaision Officer) ma'a e Pangike 'a 'Esia mo e Pasifiki (Asia Developmenet Bank) 'i Tonga ki mu'a pea hoko ko e Minisita 'i he Kapineti.
Na'a ne hoko foki koe Minisita ki he Fefakatau'aki mo e Langa Fakalakalaka Faka'ikonomika 'i he ta'u 2021 pea na'a ne toe hoko foki ko e Fakafofonga Fale Alea ma'a e Vahenga Fili Tongtatapu 4 hili 'a e fili Fale Alea 'o e ta'u 2021.
