Ha'ele Tama Tu'i ki he Me'afaka'eiki 'o Kuini Elisapesi II ^Featured

Na'e hala foki 'a e Ta'ahine Kuini 'i he 'aho 9 'o Sepitema 'i hono ta'u 96 pea 'oku lolotonga pulonga ai 'a Pilitania Lahi pehe ki hye ngahai fonua 'o e Kominiueli.

'E fakahoko foki hono telio 'o e Ta'ahine Kuini 'o Pilitania 'i he 'aho Monite ko hono 19 'o Sepitema ni pea kuo fakaha mei he 'Ofisi Palasi 'e Ha'ele 'a e Tama Tu'i ki Pilitania 'i he 'aho Tu'apulelulu 15 'o Sepitema ni.

'Oku makehe foki 'a va fengaue'aki 'o Pilitania mo Tonga he koe ongo Pule'anga faka-Tu'i pea 'ikai ngata ai ka na'e fakahoko 'a e fe'a'ahi 'aki faka-Tu'i.

'Oku kau heni 'a e ha'ele atu 'a Kuini Salote Tupou III koe Kuini 'ofeina 'o Tonga ki he hilifaki kalauni 'o e Ta'ahine Kuini Elisapesi II 'i he ta'u 1953 pea na'e hoko 'a 'ene ha'ele 'o 'ikai tukuhake 'a e fale 'o e saliote na'e ha'ele ai lolotonga 'a e 'uha ke 'iloa ai 'a Tonga 'i he kolope pea 'oku kei manatua 'e he to'utangata koia 'oku nau kei mo'ui mai 'o a'u ki he 'aho ni.

Na'e tu'o 3 'a e ha'ele mai 'a e Ta'ahine Kuini ko Elisapesi II ki Tonga ni 'a ia koe ta'u 1953 'i he'ene fuofua 'a'ahi ki he ngaahi fonua memipa 'o e Kominiueli pehe ki he ta'u 1970 mo e ta'u 1977.

'Oku kei manatu melie kiai 'a e tokolahi 'o e fonua ki he ngaahi 'a'ahi faka hisitolia mai 'a e Ta'ahine Kuini 'o Pilitania ki Tonga ni.