Fetukutuku mai e kainga Mango ki Nuku'alofa Featured
24 Sanuali, 2022. Na'e fetukutukiu mai 'e he vaka 'o e Kautau 'a 'Ene 'Afio koe VOEA Ngahau Koula 'a e kainga 'o e Tama Tu'i mei he Maka ko Mafikaunanga mei Mango ki Nuku'alofa 'i he 'aho Tokonaki 22 'o Sanuali, 2022.
Na'e tu'uta 'a e folau 'i he Peisi Masefiled 'o e Kautau 'a 'Ene 'Afio pea na'e talitali lelei 'a e folau 'e he 'Eiki Palemia Siaosi Sovaleni, Tokoni Palemia Poasi Tei pehe ki he Hou'eiki Minisita 'o e Kapineti mo e Pule'anga foki.
'Oku mahino mai foki mei he fakamatala mei he taha 'o e kau Matapule 'o e motu ni Halapaini ko hono fetukutukui mai 'o e kainga ko e fekau hangatonu ange pe mei he Tama Tu'i.
Ko e toko 62 foki na'e fetukutuku mai mei Mango pea kau kiai mo e toko 19 koe kainga Nomuka na'a nau fetukutuku mai ai mo kinautolu mei Nomuka 'i he fou mai ai 'a e vaka.
Na'e uesia lahi 'a e ngaahi 'otu motu 'o e 'Otu Mu'omu'a 'i he peau kula na'e fakatupu mei he mapuna 'a e mo'unga afi Hunga Tonga mo Hunga Ha'apai 'i he efiafi Tokonaki ko hono 15 'o Sanuali 2022.
Na'e iku ke 'auha kotoa 'a e ngaahi 'api nofo'anga 'i he motu ni pea iku ke si'i pekia ai mo e tangata'eiki.
Na'e hola e toenga e kakai 'a e ki'i motu ni ki he feitu'u ma'olunga pea na'e toki a'utaki atu 'a e tokoni hili ha 'a e 'e ua. ki he tolu
Ko e mapuna 'a e mo'unga afi ko'eni na'a ne uesia lahi 'a e 'Otu Tonga pea 'oku kei fakatumutumu 'a mamani pe koe ha 'a e 'uhinga na'e kei hao ai 'a e tokolahi taha 'o Tonga kae pekia pe 'a e toko 3 mei he fakatamaki na'e ongo na mei he tapa kehekehe 'o mamani.
Na'e a'u foki 'a e epau kula ki Alaska, Noate 'o 'Amelika, Saute'Amelika, Siapani, Nu'usila pehe ki he ngaahi fonua 'o e Pasifiki.
'Oku fakamatala foki mei he Kautaha Saienisi Fakatotolo 'a 'Amelika 'oku 'iloa ko e NASA ko e malohi 'o e paa 'a e mo'unga afi Hunga Tonga Hunga Ha'apai na'e malohi ange hono ivi mo 'ene mafola 'o liunga 500 mei he malohi 'o e pomu 'atomi na'e li 'e 'Amelika 'i Hiroshima 'i Siapani 'i he tau lahi 'a mamani hono ua.
Na'e a'u foki mo e ma'olunga 'o e puhi 'a e mo'unga afi 'o laka hake he fute 'e 60,000.
'Oku kei feinga foki 'a e kau saienisi mo e kau fakatotolo saienisi 'o mamani ke solova 'a e tupu'anga mo naunau pehe ki he natula 'o e mapuna 'a e mo'unga afi Hunga Tonga Hunga Ha'apai he 'oku natula kehe pea 'oku te'eki ke hoko ha me'a pehe ia 'i he mamani 'i he lekooti 'a e kau saienisi kuo tohi.
