Tu'uta he 'aho ni 'a e kau pasese 'e toko 107 mei Nu'usila Featured
Faitaa 'a e Matangitonga
2 Sune, 2021. Na'e tu'uta he 'aho ni 'a e kau pasese 'e toko 107 'a ia ko'enau folau mai mei 'Aokalani, Nu'usila pea koe konga ia 'o e polokalama hono fakafoki mai hotau kainga 'oku nau 'i muli.
Ko e folau mai 'eni 'a e ni'ihi hotau kakai hili ia hano toloi fakataimi 'a e fefolau'aki mei muli makatu'unga he ngaahi tu'utu'uni fakamalu'i mo'ui mei he Pule'anga.
Kuo ma'u foki 'a e fakamatala mei he Potungaue Polisi koe ni'ihi 'o e toko 107 ko'eni 'e fakahoko honau kolonitini 'i he hotele Tano'a pehe ki he Kemi Makeke 'i Vaini pea 'oku 'osi mahino 'oku 'aho 'e 21 'a e polokalama kolonitini ko'eni.
'Oku 'amanaki ke toe tu'uta mo e vakapuna 'a ia ko e folau mai ia mei Pilisipeini 'i 'Aositelelia 'a pongipongi ki he Mala'e Vakapuna Fua'amotu.
'Oku kei ta'ofi fakataimi foki ha toe folau mei Fisi makatu'unga he fakautuutu 'o e tokolahi 'o kinautolu 'oku ma'u 'e he mahaki covid-19.
