Hoko 'a 'Elisapeti Langi koe fuofua Fakamaau Lahi fefine Featured
Elisapeti Lavakei'aho Makoni Langi
16 'Aokosi, 2020. Kuo fokotu’u ‘a Elisapeti Lavakei'aho Makoni Langi 'i he faka'osinga 'o e uike ni kene hoko koe Fakamaau Lahi ‘i he Fakamaau’anga Lahi ‘o Tonga.
Ko hono fokotu’u ko’eni ‘o Langi na’e fili ia ‘e he pēnolo ‘a e Fakataha Tokoni ‘a ia ‘oku faka-fatongia ‘aki kinautolu hono fili ‘o e Hou’eiki Fakamaau ki he Ngaahi Fakamaau’anga ‘o Tonga.
‘Oku faka-hisitōlia ‘eni he koe toki fuofua hoko ‘eni ha fefine Tonga ke fokotu’u ki he lakanga Fakamaau Lahi ‘i he Fakamaau’anga Lahi ‘o Tonga.
Fakatatau ki he fakamatala mei he Fakamaau’anga ko hono fokotu’u ‘eni ‘o Langi kene hoko koe Fakamaau Lahi fakataimi ki ha mahina nai ‘e 6 pea kene nofo taha ki hono fakamaau’i ‘o kinautolu kuo faka’ilo ki hono ngāue’aki mo faka'aonga'i, tauhi mo fetuku holo ‘a e faito’o konatapu.
Ko e konga ‘eni ‘a e ngaahi fakalakalaka ‘a e Fakamaau’anga ‘i hono tau’i ‘o e faito’o konatapu ‘a ia koe taha ia ‘o e ngaahi fiema’u vivili ‘a e fonua.
Ko Elisapeti Lavakei'aho Makoni Langi na’e hoko koe Fakamaau Polisi Ma’olunga ‘i he Fakamaau’anga Polisi ‘i he ta’u 2018 pea ki mu’a ai na’a ne hoko ko e loea ‘i he Va’a Talatalaaki ‘a Kalauni (Crown Law).
'Oku 'amanaki ke kamata ngāue 'a Langi 'i he lakanga fo'ou ko'eni fakafuofua ki he kamata'anga 'o e mahina ko Sepitema.
6 comments
-
Fkfetai,fkfetai,fkfetai
-
Fakafeta'i ? God Abundant Love! Blessings! Favors! Interventions upon you Peti... 'Ofa lahi atu ma'u pe & Humble Prayer ??❣️ PNW ...
-
Congratulations Betty❤❤❤????????
-
Fkfetai e fua fatongia poto moe tonunga maae Puleanga mor ego us.Ofa atu n God bless you.
-
Congratulations Elisapeti. Just a correction to the article, the first female appointed as Acting Supreme Court Judge is Mrs Alisi Taumoepeau, former Attorney General and Minister of Justice. Elisapeti is the second.
-
Malo lahi e fatongiaa
Pea 'oku LELEI e ngaue
Talamonuu atu he ngafa foou oku ho'ata mei Otumotu anga'Ofaa