Mole totonu 'a Tonga ke pāloti 'i he Pule'anga Fakatahataha (UN) ^Featured

'Oku makatu'unga 'eni 'i he toutou tōmui 'a hono totongi 'o e 'inasi fakata'u 'o Tonga ki he Kautaha 'a e Ngaahi Pule'anga Fakatahataha pea 'oku pau ai ke mole 'a e totonu ko'eni 'a Tonga.

'I ha fakamatala mei he Kautaha 'a e Ngaahi Pule'anga Fakatahataha faka'osinga 'i he 'o e uike na'e mahino mei ai koe fonua 'e tolu 'a ia ko Comoros, Sao Tome & Principe pea mo Somalia na'a nau kau ki he tōmui hono totongi honau ngaahi 'inasi ka na'e fakangofua 'e he  Kautaha 'a e Ngaahi Pule'anga Fakatahataha 'i 'Okatopa ta'u 2019 ke hoko tau pe 'a e ma'u 'enau totonu ke pāloti 'o toki ngata mei Sepitema 2020.

Ko e ngaahi fonua leva 'oku mole 'enau totonu ke fakahāloto mo pāloti 'oku kau kiai 'a e Central African Republic, Gambia, Lesotho, Tonga ni pea mo Yemen.

'Oku 'i ai leva 'a e tokanga makehe ki he kaveinga ni pea 'oku fiema'u ha fakamatala mei he Pule'anga pea ke 'ilo kiai 'a e kakai 'o e fonua ki he tu'unga mo e 'uhinga 'oku 'ikai malava ai ke fakakakato 'a e fatongai 'o e fonua ki he kautaha fakavaha'a pule'anga mahu'inga mo lahi taha ko'eni 'i he kolope.

'Oku malumalu foki 'a e fatongia ko'eni 'o Tonga ki he Kautaha 'a e Ngaahi Pule'anga Fakatahataha 'i he Potungaue ki Muli (Ministry of Foreign Affairs).