Hoko ‘a Pita Taufatofua koe ‘Amipasitoa ‘a e UNICEF ki he Pasifiki ^Featured

Ko e UNICEF foki koe va’a ia ‘o e Pule’anga Fakatahataha ‘a Mamani (United Nations) ‘a ia ‘oku nau ‘ulu’i ‘ofisi ‘i Niu ‘Ioke pea ‘oku nau ngaue tefito ki hono tokangaekina ‘a e fanau iiki ‘i he tapa kehekehe o mamani.

Na’e faka’ofisiale ‘a hono fakahoko ‘a Taufatofua ki he lakanga mahu’inga ni ‘i he ‘aho ni ‘aki hano faka’iloanga’i ‘e he ‘Apiako Tonga Side School ‘a ia na’e ako pe ai ‘a e Taufatofua ‘i he’ene kei si’i.

Na’e kau fakataha kiai ‘a e kau faiako mo e fanauako ‘a e Tonga Sode School pe he ki he fakafofonga ‘a e UNICEF ki he Pasifiki Sheldon Yett.

Ko e fatongia tefito foki ‘o Taufatofua ‘i he lakanga fo’ou ko’eni ko hono tokangaekina ‘a e totonu ‘a e fanau ‘i he Pasifiki ‘o kau ai ‘a Tonga ni.

Na’e fili foki ‘a Taufatofua ‘o makatu’unga ‘i he’ene ‘iloa ‘i mamani koe tokotaha na’a ne to’o fuka ma’a Tonga ‘i he ongo sipoti ‘olimipiki ‘e ua pea na’a ne ta’e kofu mo takai lolo foki.

‘Ikai ngata ai foki na’e ngaue pe ‘a Taufatofua ki hono tokangaekina ‘a e fanau ‘oku ‘ikai ha feitu’u kenau nofo ai ‘i Pilisipeini ‘Aositelelia.

Ko Tafatofua koe ‘amipasitoa lelei ia ‘i he;ene ngaue malohi ki hono tu’uaki ‘o Tonga ‘e ia pe ‘i hono taleniti pea ko hono ola ‘eni kuo fili ai ia ‘e he UNICEF kene fakafofonga’i kinautolu ki he Pasifiki.