Malōlō tokoua ‘i Vava’u pongipongi ‘o e ‘aho ni koe fakatu’utamaki ‘i he Halapule’anga ^Featured

Ko e fakatu'utamakí ni na’e hoko ia he hala ki he mala'evakapuná Lupepau’u ‘i Vava’u.

Na’e tui’i ‘e he me’alele na’e heka ai ‘a e ongo pekia ‘a e fu’u mango he ve’ehala 'i Leimatu'a ofi atu pe ki he mala'evakapuna Lupepau'u ‘o hoko ai ‘a e pekia ko’eni.

Ko e ongo pekiá 'oku na kei talavou tau 21 loua 'a ia ko Jack Guttenbeil Jr. mo Micky Lomu ‘o Kameli.

Ko e tokotaha 'o kinaua na'e 'amanaki ke folau atu ki muli koe feinga ako 'i he pongipongi ai pe 'o e 'aho ni.

'Oku kei fai ‘a e ngāue ‘a e kau polisi ke fakapapau’i ‘a e tupu’anga ‘o e fakatu’utamaki ni.