Pekia 'Eiki Minisita Toutai Semisi Tauelangi Fakahau
'Eiki Minisita Toutai Semisi Tauelangi Fakahau
30 'Okatopa 2022. Na'e fakaha faka'ofisiale 'e he 'Eiki Palemia 'o Tonga Hu'akavameiliku ki he Fale Alea 'o Tonga 'i he pongipongi Tu'apulelulu 27 'o 'Okatopa 'a e pekia 'a e 'Eiki Minisita Toutai Semisi Tauelangi Fakahau ka koe memipa 'o e kapineti 'a 'Ene 'Afio.
Na'e pekia 'a Semisi Tauelangi Fakahau 'i he efiafi Pulelulu 26 'o 'Okatopa hili ia ha'ane tengtange 'i ha ngaahi mahina pea na'e kau kiai hano 'ave fakafaito'o ki Nu'usila pea toe foki mai 'o hoko ai 'ene pekia ko'eni.
Ko Fakahau koe Fakafofonga ia 'o e kakai ki he Fale Alea 'o Tonga ma'ae Vahenga Fili Tongatapu 8 pea na'a ne hoko ko e Fakafofonga Fale Alea ma'a e Vahenga ni talu mei he ta'u 2014 'a ia ko hono teemi 'aki 'eni hono 3.
Ko e pekia 'eni 'a Fakahau 'i hono ta'u 74 pea koe ta 'eni 'oku ongo ki he Pule'anga 'o 'Ene 'Afio fakatatau ki he me'a 'a e 'Eiki Palemia ki he Fale Alea 'o Tonga.
Na'e fakafofonga foki 'e he 'Eiki Sea 'o e Fale Alea Lord Fakafanua 'a e kaunga ongo'i 'e he Fale Alea 'o Tonga 'a e taufa kafakafa kuo to he fonua pea na'e tu'utu'uni ai ke fakalongolongo 'a e Fale Alea 'i ha miniti 'e 5
