Foaki tohi fakamo'oni ngaue Komisiona Polisi fo'ou ki he Tama Tu'i Featured
Tama Tu'i Tupou VI mo e Komisiona Polisi 'a Tonga Shane McLennan
8 Siulai 2022. Na'e lava atu he faka'osinga 'o e mahina ko Sune 'a hono foaki atu 'a e tohi fakamo'oni ngaue 'a e Komnisiona Polisi fo'ou 'a Tonga Shane McLennan ki he Tama Tu'i Tupou VI 'i hePalasi Faka-Tu'i 'i Nuku'alofa 'i he 'aho 30 'o Sune.
Ko e tangata 'Aositelelia foki 'eni pea na'a ne fakaha 'ene mafana mo 'ene hounga'ia he fakataha mo e Tama Tu'i Tupou VI mo foaki atu k'ene tohi fakamo'oni ngaue pea na'e mahu'inga 'a e fakataha ko'eni he na'e 'ohake ai 'a e ngaahi 'isiu mahu'inga ki he malu 'a e fonua.
Na'e tu'uta foki 'a McLennan 'i Tonga ni 'i he mahina ko Me 2022 pea kuo kakato 'ene fe'iloaki mo fakataha mo e ngahai kupu tefito mo hono fatongia 'o kau ai 'ene fe'iloaki moe 'Eiki Palemia Hu'akavameiliku ka koe Minisita ia 'o e Potungaue Polisi pehe ki he ngaahi kupu fekau'aki 'i he Pule'anga mo e komiuniti Tonga.
Ko e penolo foki 'a e Fakataha Tokoni na'a nau aofangatuku hono fili 'o McLennan ki he lakanga Komisiona Polisi 'a Tonga.
'E 'i Tonga ni foki 'a McLennan 'o ngaue ai 'i he'ene konituleki mo e Pule'anga ki he ta'u 'e 3.
