Tapuni Pule'anga koe Fakatokanga Saikolone Fakatalopiki Featured
17 ‘o Sanuali, 2020. Kuo fakahoko he pongipongi 'o e 'aho ni ‘a e fanongonongo mei he ‘Ofisi ‘o e Palēmia, ke mea’i ‘e he kau Pule Ngaue mo e kau ngaue fakapule’anga kotoa pe ‘a e ngaahi Potungaue ‘a e Pule’anga pea pehe ki he kakai kotoa pe ‘o e fonua, 'a e tu’utu’u ni ‘e he Kapineti 'a 'Ene 'Afio ‘i he pongipongi 'o e 'aho ni ke tapuni ‘a e ngaue fakapule’anga ‘i he ‘aho ni, ‘aho Falaite 17 ‘o Sanuali, ‘i he taimi 12:30 ‘o e ho’ata ni.
‘Oku makatu’unga ‘a e tu’utu’u ni ko eni, koe’uhi ko e fakatokanga ki ha Saikolone Fakatalopiki ‘a ia ‘oku fakaofi mai ki Tonga ni, pea ke fakafaingamalie ‘a e ngaahi teuteu ki ai 'a e kakai mo e fonua.
'Okui fakafuofua ke a'u mai 'a e matangi ni ki Tonga ni 'i he pongipongi Tokonaki ko hono 18 'o Sanuali 2020 'a ia ko 'aho ia 'a pongipongi.
