Huufi ‘e he ‘Ene Afio Tupou VI ‘Ofisi faka-‘Amipasitoa ‘o Tonga ‘i United Arab Emirates Featured
Tama Tu'i Tupou VI
2 'Okatopa, 2019. Na’e huufi ‘e he ‘Ene Afio Tupou VI ‘i he ‘aho Mōnite, 30 September 2019, ‘a e ‘Ofisi faka-‘Amipasitoa ‘o Tonga ‘i Abu Dhabi ko e kolomu’a ‘o e United Arab Emirates (UAE).
Ko e fakafofonga faka-‘Amipasitoa ‘o Tonga ki UAE ko ‘Akau‘ola, ‘a ia na’a ne talitalitali ‘a e kau fakaafe ki he ‘ofisi fo’ou ko’eni ‘i he Etihad Towers.
Na’e ‘i he ouau ni foki ‘a Zaki Nusseibeh, koe Ministā Fakafonua ‘a e UAE, Saleh Ahmed Salem Al Suwaidi, foe fakafofonga faka-‘Amipasitoa ‘a e UAE ki Tonga mo e kau fakaafe ma’olunga kehe pe ke faka’ilonga’i ‘a e nga’unu faka-hisitōlia ko’eni.
Ko e fuofua ‘Ofisi faka-‘Amipasitoa ‘eni ‘o Tonga ke fokotu’u ‘i he Hahake Lotoloto pea koe taha ‘eni ‘o e ngaahi vīson mo e langimama’o ‘a e Tama Tu’i Tupou VI.
Na’e kau atu foki ki he ouau ko’eni ‘a e kau fakafofonga faka-‘Amipasitoa ‘a Tonga ki he ngaahi fonua kehe hangē ko Siaina, ‘Aositelēlia, Pilitōnia, Siapani mo ‘Amelika foki.
