‘Ikai lava ’e he software ‘a Piveni ‘o ngāue’i ola sivi 2016 Featured
Piveni Piukala mo e Palēmia mo Minisitā Ako Malōlō lolotonga hono malanga'i e Raw marks mo e Software 'a Piveni. Faitā 'a e Matangitonga
21 Sanuali, 2017. Kuo mo’oni e lau ‘a Manu Tuli “’E ‘i ai pe ‘a e ‘aho ‘e taha” pea koia totonu pe ‘eni ‘oku hoko he Potungāue Ako ‘a e Pule’anga Tonga.
Na’e tā tu’o lahi ‘a e laulea ‘a e kakai ‘o e fonua pea ‘ohake he ngaahi mītia pea feme’a’aki kiai ‘a e Fale Alea ki he polokalama naunau molū (software) ‘a e matāpule ko Piveni Piukala ka koe kaungame’a ofi ‘o e Palēmia mo hono foha ko Siaosi Pohiva.
Na’e toutou ‘asi mai foki ‘a Piveni ‘i he Televīsone Tonga pehe ki he ngaahi Fakataha’anga ‘o fakamahino koe polokalama ‘oku ne fa’u tokua tene solova ‘a e palopalema ‘o e ako ‘i he fonua kae tautautefito ki he hiki mei he maaka tulifua (standardization) ki he maaka to’ofua (raw marks) ‘a ia na’e fetongi ‘e he Palēmia ‘i he’ene tui koe tupu’anga ia ‘a e holo ‘a e ako ‘i he fonua.
Na’e totongi ‘e he Potungāue Ako mo e pa’anga laka hake he uakilu ($200,000 TOP) ki he matāpule ni kae fa’u tokua ‘a e polokalama ko’eni pea na’e mahino foki mei he toutou fakafōtunga mai ‘a e to’a ni he Televīsone ‘oku ‘ikai toe ‘i ai hano ua ‘ona ‘i he mala’e ni.
Na’e ‘i ai foki ‘a e polokalama na’e fa’u ‘e he Va’a ‘oku nau tokangaekina ‘a e ngaahi sivi ‘a e Pasifiki ‘i he malumau ‘o e South Pacific Community (SPC) ‘oku ‘iloa koe EQAP (Educational Quality & Assessment Programme) pea koe polokalama foki na’e fo’u ‘ehe kau mataotao pea tufa ta’e totongi ke ngāue’aki ‘e he ngaahi Potungāue Ako ‘a e Pasifiki ‘o kau ai ‘a Tonga ni.
Na’e hū masila mai foki ki he Potungāue Ako ‘a e Palēmia pea ne ‘omai ‘a Piveni Piukala ‘o pehe ko ‘ene polokalama naunau molū (software “quick fix”) ‘oku laka ange tokua ia pea poloklama ta’etotongi ‘a e EQAP pea ko hono ola ‘eni ‘oku tau a’usia he ‘aho ni.
Kuo ma’u ‘a e fakamatala falala’anga pea ‘oku mahino ngofua pe foki ia kuo fakafoki ‘a e ola ‘o e sivi 2016 ke ngāue’aki ‘a e polokalama ‘a e EQAP ki hono fakapapau’i ‘o e ola he kuo ‘ikai lava ‘e he polokalama ‘a Piveni Piukala ‘o fakahoko ‘a e fatongia koia.
‘Oku ‘ikai foki ke fo’ou ki he kakai tokolahi ‘a e ola ko’eni kuo tau a’u kiai he na’e toutou kalanga mo fale’i ‘a e kau mataotao tokolahi ‘i he mala’e ‘o e ako ‘e hoko ‘a e palopalema fekau’aki mo e kaveinga ni pea ko’eni kuo hoko.
Kuo hoko foki ‘a e palopalema ni ka kuo hiki atu ‘a e Palēmia ia ‘a ia koia na’e Minisitā Ako pea na’a ne ‘omai ‘a e tangata fo’u naunau molū (software) ko’eni ki he Potungāue Ngaahi Ngāue Fakalotofonua.
Ko e me’a pe ‘oku hoko he taimi ni koe fakamole pa’anga ki he si’i kakai totongi tukuhau ‘o e fonua pea ‘ikai malava ke kakato ‘a e taumu’a na’a na toutou malanga’i mai ki he kakai ‘o e fonua.
‘Oku ‘i ai ‘a e faka’amu tetau ako ha me’a mei he nga’unu fakaleleloto ko’eni pea ke ‘oua ‘e toe hoko 'i ha fonua 'oku lau koe fonua ako.
20 comments
-
'Oku sai e kau mai 'a Paula Piveni Piukala he talanoa ke ne fakama'aia'ala mo 'omai 'ene version. 'Oku ou faka'amu ke tali mai 'e Piveni e ngaahi fehu'i faingofua ko eni.
1. Ko e ha ne toe kau mai ai e EQAP hono ngaue'i e ola 'o e sivi 2016 ?
2. Ko e ha 'oku ke kei 'asi holo ai he Potungaue Ako he na'e 'osi ho'o contract 'i Sune 2016 ?
3. Ko e polokalama 'a'au pe ko e EQAP na'e ngaue'aki ki he sivi 2016 ?
5. 'Oku mau kei fakaongoongo atu ke fakamatala mai fakaikiiki 'a e founga na'e ngaue'aki e sivi 2015 ?
6. Ko ho'o sitesitika 'oku fa'a tukuaki'i 'aki tokua 'oku holo e ako he ta'u e 12 kuo hili 'oku lahi ho'o ngaue'aki e ola e sivi huu. Na'e fakakau 'i ho'o fika 'a e ongo factors e 2 'oku ne determine e hu 'a e fanau - fili 'a e matu'a & available place he ngaahi ako ? 'Oku ngali ta'efalala'anga ho'o % lava 'oku tuku mai he 'oku 'ikai ha "lava" mo ha "to" he sivi huu.
7. Na'e malava fefe ke totongi atu kiate koe ha fu'u silini lahi pehe ka 'oku te'eki kakato ho'o ngaue pe ma'u e ola ho'o ngaue ki he software? Ko e quick fix pe 'oku mau 'ilo ne lava 'o 'ai.
kATAKI 'O TALI MAI KA E OFIOFI HA'AKU TUI ATU KIA KOE.
'E TOKI ATU E FEHU'I. -
Mark kataki mahalo koe kií tohi fakavavevave pe ia o fehalaaki pe fakaha mai aii.Ka ikai koe moóni ia e lauu, "Alu kehe e ngutuu mei he tuhuu".....malo pea oku malie e talangaa.
-
Fkmolemole atu, oku totonu ke tohi..."koe fo'i fasi tu'u pe?"
Mark ko ho'o Atamai mo hoo loto oku tataki ke fkkaukau pehee....I admitted it's my mistake. It's a miss typing error.
Teuteu aa, keke alu kihe Lotu he Sapate naa iai ha mo'ui fo'ou. -
Ki'i lahi tama e fafala noa'ia 'a oef. Koe ha e kaunga mai 'ae taimi fakaha sivi 'a NZ mo Samoa kihe fehalaaki moe ta'emaau e sivi 'a Tonga ni. Koe poini koe 'ikai lava 'ehe sisitamu 'a Piveni moe kau ngaue 'ae Va'a Sivi 'o fai e ngaue kihe sivi ke ma'u e ola. Koe ha na'e toe leleaki'i ai ki Fisi he miniti faka'osi? 'ikai koe 'osi ia honau ki'i poto mo 'enau ki'i 'ilo pukupuku. Kapau na'e 'ikai tali 'ehe EQAP kenau ngaue kihe sivi 'a Tonga ni, koe pehe koe taimi ni 'oku tau kei tali pe. Pea malo moe toe loto lelei 'ae EQAP ke nau tokoni ki hono feinga'i ke tali mo recognise 'ehe ngaahi 'univesiti e sivi 'a Tonga ni. Lahi e kaaimu'a moe fie 'ilo'ilo 'a oef ka ke nofo he poini. Pea lau fakalelei ho'o tohi 'oua teke tohi mai ho'o to'onga faka'aho ke mau palau ai (sio kihe laine hono 5 mei lalo ho'o tohi ..... malie oef e tala mo'oni ho'o to'onga)
-
'Oku 'ikai ha System 'e Haohaoa he koe Fa'u pe 'ehe Tangata !
Na'e Kalanga 'ae Nepituno kuo Poloka 'ehe Pule'anga 'ae 'etau loki 'o 'ikai Lava ha fetu'utaki he ng uike si'i kuo maliu atu ?
Koe ha 'e mo'oni 'oe me'a ni ? he koe tukuaki'i mamafa na'e ma'ali he ngaluope ?
Na'e uike taha pe 'ae release 'ae 'ola 'oe sivi a Tonga ni, moe Sivi a NZ pea pehe kihe sivi 'a Samoa. aia oku tatau pe 'ae taimi na'e fkha e ola Sivi kihe Fanau Sivi ?
Koe me'a pe kapau na'e fkha kimu'a he Sapate fkmamafa 'oe Ako ke fkmamafa fktaha ai pea toe fiefia 'e Matu'a.
Koe sivi pe a NSW 'o Australia na'e fkha hono 'ola kimu'a he Kilisimasi pea koe tukupa ia 'ae Pule'anga NSW.
Koe fiha'i system eni mo 'ene paulu ihe ng mala'e kehekehe ? ka 'oku tau tui e fkma'ala'ala he va'a Sivi 'ae Potungaue Ako pe koe mo'oni pe koe fo'i fai tu'u pe ?
Kae kehe 'oku tau talamonuu kihe fanau ako kotoa pe na'e sivi he 2016 pea pehee kiate kinautolu 'oku hook atu he 2017,
Ko kinautolu kuo 'osi mou foki ki Tokanga mo Falehanga pea pehee ki Ngatai he koe ngaue'anga ia kihe taha kotoa, moe 'ofa atu -
Kuo fakasino mai 'a e natula mo e nunu'a 'o e Pule'anga Temokalati ne fai ki aii 'a e feingaa. Ko ia ai tau tali pe mo teletele ai pe kae 'oua kuo nge'esi.
-
Koe website 'ae EQAP koe http://www.eqap.org.fj. Ko'ene ava pe 'ote hu kihe About us pea koe 'uluaki laini pe 'oku pehe' mai:
About us > Our work scope > Accreditation and Standards
pea laini hoko hake
EQAP works in the area of Accreditation and Standards.....
'Oku sipela hangatonu mai pe heni koe taumu'a 'o e EQAP ke foaki 'a e toka'i pea moe tu'unga 'o e kanolelei 'oha polokalama ako. 'Oku lolotoange eni 'i he raw mark 'ata'ata' pe pea 'oku mahino koe ngaue ki hono fua 'o e tu'unga kanolelei 'oku 'ikai koe fakamaaka pe pea ngata ai ka 'oku 'i ai moe 'u ngaue kehe 'oku tanaki atu 'a ia ko hono standardize ia. -
Sioeli, te u tokoni au. Ko e toe foki ko eni ki he EQAP 'oku kei raw pe ka 'oku gaue'aki 'a e polokalama fakakomipiuta 'a e EQAP he 'oku 'ikai lava 'e he polokalama 'a Piveni 'o ngaue'i ke tonu 'a e ola 'o e ngaahi sivi. Ka ko e me'a mahu'inga 'e toki tali 'e he ngaahi 'Univesiti 'a 'etau fanau 'i he'enau hu atu 'i he malumalu 'o e EQAP he ko e sino ia 'oku fakatokanga'i fakavaha'a Pule'anga. Ko e polokalama 'a Piveni ko Piveni pe ia mo 'Akilisi mo Siaosi 'oku nau fakatokanga'i. Fakatokanga'i e me'a ko eni ko e fo'i polokalama pe ia 'a e EQAP na'e customize 'e Piveni 'o lau ko 'ene me'a tokua. Ka ko hono ola eni kuo tau a'u ki ai. Kuo toe foki pe ki he EQAP 'oku sai ange mo pau pea toe ta'etotongi.
-
Nepituno, to'o ho'o ongoongo ko 'eni he oku loi. Oku tala 'ae 'akau mei hono fua. 'Oku tala 'ae me'a 'oku loloto 'i hoto loto he me'a 'oku te lea 'aki
-
Nepituno, kataki toe fakama'ala'a mai ange eni, ko e toe foki koeni ki he polokalama a e EQAP, 'aia oku tau toe foki pe ki he Standardisation pe ku tau kei i he Raw Marks pe?