‘Ikai lava ’e he software ‘a Piveni ‘o ngāue’i ola sivi 2016 Featured
Piveni Piukala mo e Palēmia mo Minisitā Ako Malōlō lolotonga hono malanga'i e Raw marks mo e Software 'a Piveni. Faitā 'a e Matangitonga
21 Sanuali, 2017. Kuo mo’oni e lau ‘a Manu Tuli “’E ‘i ai pe ‘a e ‘aho ‘e taha” pea koia totonu pe ‘eni ‘oku hoko he Potungāue Ako ‘a e Pule’anga Tonga.
Na’e tā tu’o lahi ‘a e laulea ‘a e kakai ‘o e fonua pea ‘ohake he ngaahi mītia pea feme’a’aki kiai ‘a e Fale Alea ki he polokalama naunau molū (software) ‘a e matāpule ko Piveni Piukala ka koe kaungame’a ofi ‘o e Palēmia mo hono foha ko Siaosi Pohiva.
Na’e toutou ‘asi mai foki ‘a Piveni ‘i he Televīsone Tonga pehe ki he ngaahi Fakataha’anga ‘o fakamahino koe polokalama ‘oku ne fa’u tokua tene solova ‘a e palopalema ‘o e ako ‘i he fonua kae tautautefito ki he hiki mei he maaka tulifua (standardization) ki he maaka to’ofua (raw marks) ‘a ia na’e fetongi ‘e he Palēmia ‘i he’ene tui koe tupu’anga ia ‘a e holo ‘a e ako ‘i he fonua.
Na’e totongi ‘e he Potungāue Ako mo e pa’anga laka hake he uakilu ($200,000 TOP) ki he matāpule ni kae fa’u tokua ‘a e polokalama ko’eni pea na’e mahino foki mei he toutou fakafōtunga mai ‘a e to’a ni he Televīsone ‘oku ‘ikai toe ‘i ai hano ua ‘ona ‘i he mala’e ni.
Na’e ‘i ai foki ‘a e polokalama na’e fa’u ‘e he Va’a ‘oku nau tokangaekina ‘a e ngaahi sivi ‘a e Pasifiki ‘i he malumau ‘o e South Pacific Community (SPC) ‘oku ‘iloa koe EQAP (Educational Quality & Assessment Programme) pea koe polokalama foki na’e fo’u ‘ehe kau mataotao pea tufa ta’e totongi ke ngāue’aki ‘e he ngaahi Potungāue Ako ‘a e Pasifiki ‘o kau ai ‘a Tonga ni.
Na’e hū masila mai foki ki he Potungāue Ako ‘a e Palēmia pea ne ‘omai ‘a Piveni Piukala ‘o pehe ko ‘ene polokalama naunau molū (software “quick fix”) ‘oku laka ange tokua ia pea poloklama ta’etotongi ‘a e EQAP pea ko hono ola ‘eni ‘oku tau a’usia he ‘aho ni.
Kuo ma’u ‘a e fakamatala falala’anga pea ‘oku mahino ngofua pe foki ia kuo fakafoki ‘a e ola ‘o e sivi 2016 ke ngāue’aki ‘a e polokalama ‘a e EQAP ki hono fakapapau’i ‘o e ola he kuo ‘ikai lava ‘e he polokalama ‘a Piveni Piukala ‘o fakahoko ‘a e fatongia koia.
‘Oku ‘ikai foki ke fo’ou ki he kakai tokolahi ‘a e ola ko’eni kuo tau a’u kiai he na’e toutou kalanga mo fale’i ‘a e kau mataotao tokolahi ‘i he mala’e ‘o e ako ‘e hoko ‘a e palopalema fekau’aki mo e kaveinga ni pea ko’eni kuo hoko.
Kuo hoko foki ‘a e palopalema ni ka kuo hiki atu ‘a e Palēmia ia ‘a ia koia na’e Minisitā Ako pea na’a ne ‘omai ‘a e tangata fo’u naunau molū (software) ko’eni ki he Potungāue Ngaahi Ngāue Fakalotofonua.
Ko e me’a pe ‘oku hoko he taimi ni koe fakamole pa’anga ki he si’i kakai totongi tukuhau ‘o e fonua pea ‘ikai malava ke kakato ‘a e taumu’a na’a na toutou malanga’i mai ki he kakai ‘o e fonua.
‘Oku ‘i ai ‘a e faka’amu tetau ako ha me’a mei he nga’unu fakaleleloto ko’eni pea ke ‘oua ‘e toe hoko 'i ha fonua 'oku lau koe fonua ako.
20 comments
-
Ko e f'u tanagi loi ne loiaki'i 'aki 'e 'Akilisi 'a e fonua 'o pehe kuo liliu 'a Tuvalu mo Ha'amoa mo Fis ki he RAW MARK pea 'e pehe 'a e ngaahi motu e Pasifiki. Ko Tuvalu kuo nau fakapuna ki tu'a e ki'i me'a 'a Piveni & Siaosi he kuo nau 'ilo 'oku hala. Ko Ha'amoa 'oku lolotonga tapelupelu atu e ki'i polokalama ke li ki tu'a he kuo fetongi 'enau CEO pea 'oku 'amanaki tuku ki tu'a e me'a he 'oku lahi e felauaki 'a e kakai he 'oku 'ikai tali 'e he 'Univesiti pe 'a Ha'amoa 'a e maaka na'e ma'u he me'a 'a Piveni ko ena 'oku fa'a malanaga'i mai 'e 'Akilisi. Kuo 'alu 'a Tanielu ia ki Perth na'e CEO ka e faingata'a'ia 'a e kakai. 'Oku tatau pe 'a Piveni mo Tanielu ko e ongo tama IT pea na'a na kaunga ta pulu 'i FISI. Ko eni kuo talamai eni 'oku 'ikai ha software a kuo fakapehepehe'i atu 'a Piveni ki he Emmis pea na'e 'ai foki ai 'ene Job description ka e 'ikai ke 'ai ia he fakamaaka 'o e sivi. Malie lahi Temokalti Tonga.
-
Toe pomu pe e oua e fiu ia enau faha'i, nae ikai ketau ilo etautolu oku palopalema mo Haamoa, toe laka mai ia o faka'atalahi'i mai e fo'i me'a ne fosi'i hhhhhh
-
'Oku hange 'oku tatau pe palopalema 'a Ha'amoa mo Tonga he fakatonutonu he fiu feinga e fanau ke accredit 'enau ola he sivi ke lava ke nau hoko atu ki he ngaahi ako ma'olunga ange..Ko e fe leva e lele lelei ia na'e malanga'i 'e he Palemia mo Piveni fekau'aki mo Ha'amoa ke feinga 'a Tonga ke fakatatau ki ai?..'Ikai ko Piveni pe ne lele atu 'o tu'uaki e polokalama software tatau ki Ha'amoa?...Ko e ha e 'uhinga ne toe 'ave ai ki he EQAP ke ngaue'aki 'enau polokalama ki he sivi 'a Tonga ni kae hili ko ia kuo foaki e pa'anga lahi ki he fakatau software meia Piveni?...Ko Tonga ni pe 'i mamani kuo nau liliu e Curriculum, Assessment mo e Reporting he ta'u pe 'e taha without proper consultation, pea fakahoko ki he fanau ke nau fakahoko pe he ta'u tatau,.. toki situ'a atu e Consultant mei NZ na'e 'i Tonga 'o fakalele e workshop he SOLO taxonomy..,fehu'i leva pe ko e ha na'e 'ikai ke 'uluaki consult ai e kakai koeni ko 'enau me'a totonu mo nau 'ilo lelei ki ai kae lele mu'a e Palemia mo hono foha mo Piveni hono fakamatala e me'a 'a e kakai kehe?...RESULTS?...'Ikai ko hono mo'oni 'oku te'eki tali 'e he USP e liliu ko eni..he ko e fanau kuo nau toe foki 'o lele foundation pe..even scholarship students to overseas institutes are to repeat again..Piveni and his friends got their money and our children suffers...Malie ee
-
Ko e foi software ai pe a Piveni na'e ave ki Haamoa? Pea kapau koia, ta oku ikai ketau tuu tokotaha he faingata'a'ia, oku hanga e he foi software a Piveni o fakafaingata'ai'i mo e Kainga Haamoa, oku ne pehee leva e to ki fe?
Ke hela'ia e tamaiki he ako pea me'ani ikai pe ha fo'i maaka ia? Faka'ulia mo'oni ko e fa'ahinga polokalama 'oku ne fakaholomui'i e 'atamai'i fieako mo fie feinga 'o e kakai. -
http://www.talamua.com/unhappy-parents-
and-students-continue-to-bombard-the-education-office/
Mou lau tohi hena na'a tokoni atu -
Malie 'Oua e Fiu pea 'oku teke tokanga kiha me'a he koe me'a lelei e faile 'atamai pea ke tu'u fa'ahi ua pe 'etau samena ka e ifo si'emau lau koonga. Malie pea lesoni
-
Mark, ta he'ikai ke kei nge'esikapa 'aki e taakapa a e tangata mei he tu'afale. Koia ai oua e fiu tokanga nake launga'i e kautama ki homou otua ko akilisi kae toe block e nepituno ia ioooo
-
'oua masi'i Poasi teke fu'u tuli'i pehe'i a oef. Koe ifo pe 'etau talatalanoa 'i falelahi ke 'iai ha taha e longolongoa'a mai mei he fale 'e taha, pea koe mamana ia 'o oef . kataki'i pe oef, ki'i fakaleleafilo mai pe mei tu'afale he koho mala'e ia.
-
Kuo ikai toe ha topiki he leanoia holo ai a Oua e Fiu pea kou fiefia he kuo tokolahi e kakai he fale ni oku fakalaka enau laukonga mei hoo post kotoa pe oua e fiu. Pehe atu aa o vau ha niu ke ai ha heuheu maae famili a efiafi koe , mea ia oku ke poto lelei ai pea ke talanoa pe he mea koia he oku ai ai e afu mo e mahi hoo gaahi post ... ioooo
-
'Oku malie ma'u pe 'ae felongo'aki ? he koe lukuluku fkkaukau kotoa pe kihe langa hake 'oe Mo'ui moe fekumi kiha ng me'a 'e 'ala tokoni kihe felongo'aki, ka 'oku 'ikai ke te holoki mo FAFALA NOIA , hangee ko hoku kaunga usuusu ko'eni ko Mark Hanson !!!
1. Oku hook hotau ng kaunga 'api he Pasifiki koe lula fua ia kihe ngaue moe langa fklakalaka 'oku tau fkhoko hotau ki'i motu ni ?
2. Koe palopalema 'oku hook ? 'oku tatau tofu pe moe palopalema 'oku hook he Potungaue Ako a Samoa ! fekau'aki moe system 'oe 'ola 'oe Sivi 'ae Fanau'ako ?
Ka koe malie kuo kole fkmolemole 'ae Minisita ako 'a Samoa 'e fkhoko honau lelei taha.......................
3. Oku hook leva 'a NZ n Aust. koe fua vai ia ke fua tautau kiai 'e tau ako fkpasifika he oku fu'u ma'olunga aupito pea mahino 'ae level 'oku nau 'iai, ka 'oku tau feinga ke fkofiofi kiai ke tau kau pe he lau...........
4. Kuo mahino 'ae Founga Raw marks. koe 70 pepa sivi, pea 30% 'ae internal assessments. 'o 'ikai hange koe kuo hili ke 70% internal assessments pea 30% 'ae pepa Sivi
5. 'Oku te'eki ke tukuange mai 'ehe Potungaue Ako 'ae me'a totonu na'e hoko ? koe 'uhinga ia na'a ku fokotu'u atu......." Na'a koha fo'i Fasi tu'u pe 'eni 'oku velo mai ke fkkonahi 'aki 'ae kau ususu.......sai ia ke tau 'ilo kiai