Ngaahi 'ata mei he Kātoanga Hilifaki Mata'itohi 'Univēsiti 'Aokalani Featured
'Aokalani, Nu'usila 19 Mē 2016. Na‘e kamata ‘a e kātoanga hilifaki mata‘itohi ‘o e uinitā 2016 ‘a e ‘Univēsiti ‘o ‘Aokalani he ‘aho Falaite 2 ‘o 2016 pea to e hokohoko atu he ‘aho Mōnite 9 mo e ‘aho Pulelulu 11 ‘o Mē 2016.
‘Oku fe‘unga kotoa mo e hikinga ‘e 10 ‘a e kātoanga hilifaki mata‘itohi ‘a ia ‘oku kau ki ai ‘a e ngaahi lēsoni pē mala‘e kehekehe mo e ngaahi mata‘itohi kehekehe.
‘Oku kau ai ‘a e Pekisela (BA; BSc; BE; LLB; BCom mo e hā fua), Tipiloma (Diploma; Postgraduate Diploma mo e hā fua), Masitā (MA; MSc; ME; LLM; MCom mo e hā fua) mo e Toketā Filōsofia (PhD; DPhil mo e hā fua).
‘Oku fakafuofua ki he tokotahamano (10,000) tupu ‘a e kotoa ‘o e fānauako kehekehe na‘a nau kau he hilifaki mata‘itohi ‘aia na‘e kau ai ‘a e kau Tonga tokolahi he ngaahi mala‘e kehekehe mo e tu‘unga kehekehe.
Na‘e kau ha kau Tonga ‘e tokotolu (3) he fua hikinga ‘o e ‘aho Mōnite 2 ko Loina Sitahika Tuihalangingie (Postgraduate Diploma maisoa he Ako), Hikule‘o Fe‘aomoeako-‘i-Kepipela Melaia Māhina (BA maisoa ua he Anthropology moe Pacific Studies) mo Sonia Teuita Pope (BA Hons maisoa he Ako).
Na‘e ‘osi lava ‘a e BA (maisoa ua he Philosophy m oe Education) ‘a Loina mo e BA (maisoa he Ako) ‘a Sonia. ‘Oku lolotonga faiako pe ‘a Loina mo ako he taimi tatau.
Mei hema ki mata'u: Hikule'o mo 'ene ongo matua, Palofesa Hufanga Dr 'Okusitino & Tu'utanga Mahina.
Ko e Postgraduate Diploma mo e BA Hons ko e ‘uluaki konga ia ‘o e ako MA ‘a ia ‘oku toe ‘ae takita‘u taha ‘a Loina mo Sonia he‘ena ako MA ka e kamata ‘a Hikule‘o hono BA Hons ki hono MA he Development Studies.
(Kataki ‘ala na‘e pulusi ‘a e ‘atikolo ni ‘oku te‘eki ma‘u mai ha ngaahi ‘ata ‘o Sonia he‘ene hilifaki mata‘itohi).
Hikule'o Fe'aomoeako-'i-
Mei hema ki mata'u: Hikule'o mo hono ngaahi kaungame'a moe e kaungaako mo 'enau pena tavalivali, Saia, Saia Pahulu, Seini Latu, Charli Atiga; David Vaea, Meleseini.
1 comment
-
Congratulation Loina, Hikule’o mo Sonia, malo e ako pea koe pale ‘o e ngāue lelei ko e toe ‘oatu mo e fuka ‘e taha ke leleaki’i. ‘Oku ou lave’i foki ko e makamaile eni ki he fānau ‘a e Palofesa, ‘Okusi Mahina pea mo Tu’utanga, ko e kakato eni ‘o ‘ena fānau ‘e toko 5 ‘ia Hikule’o ‘i he hilifaki mata’itohi ‘i he ‘Univesiti ‘o ‘Aokalani pea ‘oku mau fie fakahoko atu pe ‘e mau fiefia mo e talamonu mei he kau faiako mo e fānau ako ‘o e Tonga International Academy. 'Ofa atu. Hinavakamea Ta-va-'i-Moana Helu