Ta'enā ^Featured

‘E TAKUA PE KOU TA’ENĀ
HE PANGAI ‘OE NGAAHI HA’A
FALEA’AKILI MO MALIEPO
MA’U PE HULI ‘A FOKOLOLO
LAVE MO TAFOE HE MATANGI TO
‘I HE ‘AHO ‘O E ‘ULINGAHOLO

FOLAU VAKA NEKE TAPISA
LONGOSAI E HIFOFUA
TUE E FEFINE MOE TANGATA
‘O ‘EVA HE FUNGA ‘O E FIEFIA

KE FANONGO MAI KAUHALA’UTA
SINA’E KI MUI SIN’AE KI MU’A
‘API KO TOLOA PEA MO HAMULA
HA’AMONGA ‘A MAUI MOTU’A
HA’ATALAFALE ‘ALAKI FONUA
‘AHOFAKASIU MO ‘UTULIFUKA

KE MOU TUIA HA FUNGANI UA
FI AI MOHA FAKALOTOMU’A
PEA FOLA KOE VALA TU’UTA
KE ‘ALAHA ‘I HE UAFU KO VUNA

‘ILONGA HA SOLA PEA NE ‘EKE
‘A E FANGU MALINGI MEI HE PAE
MAU UHO TAHA ‘I OLOTELE
TAKAI AI E HOA A KIE
NUNU E FETU’U MAILE MAILE
‘ANAU AI ‘A E PUNAKE
MA’U AI SI’A ME’A KE ‘AVEA
AI ‘ETE ‘OFA MAMAE
HE SIUNA HE MANUMANUMELIE

TAKA ‘I MOANA TAKA HE VAVAA
‘ALU MU’A ‘O TAKA SIALE TAFA
LEIULA ‘OE FEFINE SOLA
‘OKU LAPA ‘I HE LAUULEA
‘I HE TULI E VAHA’A FONUA

Fakamatala Nounou:
Ko e taha foki 'eni 'o e ngaahi ta'anga lakalaka 'a e Kuonga hono Tolu La'ā Kuo Unga Fonua Kuini Sālote Tupou III pea 'oku faiva'i foki 'eni 'e he Lomipeau mei Lapaha. 'Oku toe faiva'i foki 'a e ta'anga ni 'ehe ngaahi ako'anga lahi 'i Tonga ni oe ki muli foki.