Ikuna Tongasat 'i he hopo mo ‘Akilisi Pohiva mo e PSA Featured
17 'Aokosi, 2018. Kuo tu’utu’uni ‘e he Tu’i Fakamaau Lahi Owen Paulsen ‘i he houa efiafi 'o e 'aho ni Falaite 17 'o 'Aokosi 2018 ke faka‘ata ‘a e Tongasat ‘o ‘ikai ke mo’ua ‘i he hopo 'eke sivile ‘i hono vaha’a mo ‘Akilisi Pohiva mo e PSA.
Ko e hopo foki ‘eni ‘i hono faka’ilo ‘e ‘Akilisi Pohiva mo e PSA ‘o taki ai ‘a e Sekelitali Seniale ‘a e PSA Mele ‘Amanaki ‘a e Tongasat ‘o pehe na’e ‘ikai fakalao hono totongi ‘e he Pule’anga ki he Tongsat ‘a e pa’anga'Amelika ‘e 25 miliona tupu ‘i he ta’u 2011.
Ko e pa’anga foki ‘eni na’e totongi mei he Kautaha Siaina ‘o fakafou mai ‘i he Pule’anga Tonga ke totongi ki he Tongasat ‘a ia koe totongi 'eni ki hono ngaue’aki ‘a e tu’unga Satelaite na’e lisi mo faile ‘e he Tongasat pea lisi atu 'o ngaue'aki 'e he kautaha Siaina.
Ne tukuaki'i foki 'e he kau Tatatalaaki na'e hala 'a e totongi ko'eni he 'oku maumau ai 'a e Lao Public Finance Management Act 2002.
Ko laumalie foki 'o e fakatonutonu ko'eni ko hono 'eke 'e he Talatalaaki ke totongi fakafoki 'e he Tongasat 'a e pa'anga ko'eni na'e totongi kiate kinautolu ka 'oku tu'utu'uni 'e he Tu'i Fakamaau Lahi 'e 'ikai totongi fakafoki 'e he Tongsat 'a e pa'anga ko'eni.
'I he'ene pehe leva 'oku ikuna 'a e Tongsat 'i he 'eke ko'eni.
Ko e konga foki 'a e tu'utu'uni 'a e Tu'i Fakamaau Lahi koe pa'anga ko'eni koe public fund pea na'e totonu ke 'ave ki he Fale Alea ke fakapaasi mei ai ka ko e issue kehe 'eni ia neongo 'oku 'i he hopo tatau pe.
Ko e poini 'oku mahino 'i he tu'utu'uni ko'eni na'e 'ikai tali 'a e 'eke ke totongi fakafoki 'e he Tongasat 'a e pa'anga na'e 'eke 'i he fakatonutonu ko'eni.
Ko e hopo foki ‘eni na’e fakaongoongo ki ai ‘a e tokolahi ‘i he fonua pe ‘e toki fakaikiiki atu ‘e he ongoongo ni ‘a e tu’utu’uni 'a e Tu'i Fakamaau Lahi.
Ko e Fakafofonga Lao ma’a e Tongasat ko William Edwards Jr. pea ko Dr. Rodney Harrison ma’a ‘Akilisi Pohiva mo e PSA.
5 comments
-
Na'e 'ikai puli ki mamani 'a e founga na'e fakapa'anga 'aki 'e 'Akilisi mo e Pule'anga 'a e langa mala'e ta pulu 'i Popua. 'Okapau koe founga na'e ta'efakalao, pea ka 'eke'i fakalao, 'e hao pe 'a e Lavulavu & Co he na'e 'ikai maumau'i 'e nautolu ha lao. Ko 'Akilisi moe Pule'anga 'oku totonu ke tautea'i 'okapau na'e ta'e akalao 'enau founga ngaue.
'Okapau 'e toe 'eke'i fakalao 'a e Lavulavu & Co ke fakafoki 'a e $$$$$ na'e totongi 'aki nautolu he koe Public Fund pea 'oku 'ikai totonu ia ke fakafoki. Koe mafai 'oku 'I he Public Fund 'oku ngata pe ia 'I he Pule'anga. Koe fund 'I he vaha'a 'oe Pule'anga moe Lavulavu & Co 'oku 'ikai koe Public Fund ka koe Payment 'oku entitle ki ai 'a e Lavulavu & Co
Koe issue fekau'aki moe 'eke ke totongi fakafoki 'e he Tongasat 'a e $$$$$ oku totonu ke 'eke ia 'e Akilsi moe PSA ki he Pule'anga 'o Sevele mo Tu'ivakano kena totongi he ko hona Pule'anga na'e 'iai 'a e fund 'oku tala koe Public Fund pea na'e foaki 'I he founga ta'e fafalao 'o fakatatau ki he lau 'a e Fakamaau. Ka ki he Tongasat, they simply received their entitlement. -
'Oku hala 'a e fakamatala 'oku pehē kuo hao 'a e Tongasat 'ihe'ene hopo mo 'Akilisi Pohiva moe PSA. Koe hopo ko 'enii na'e fekau'aki ia moe fo'i 'isiu 'e taha mātē pē, 'aia koe fehu'i ko ia pē na'e fakalao pē ta'efakalao 'a hono totongi 'a e pa'anga 'oku fai ai 'a e fakatonutonuu, 'ehe Pule'anga Tongaa ki he Tongasat. Fakatatau ki he fakamatala 'ihe Matangitongaa, na'e tu'utu'uni 'ae Fakamaau'angaa 'o pehē na'e ta'efakalao 'a e totongi pa'anga ko iaa. Na'e toe 'asi 'ihe fakamatala tatau pē, na'e 'ikai ke fakahū kihe Fakamaau'angaa 'ae 'isiu ke totongi fakafoki 'ehe Tongasat 'a e pa'anga ko iaa ki he Pule'anga Tongaa. Koe ongo fo'i 'isiu kehekehe ia 'e ua pea koe taha pē na'e fakahū ki he Fakamau'angaa.
-
When will this squabbling STOP ? if its been proved in court that the accused party was rightly payed by Government with monies owed them by Chinese business for the lease of satellite slots so why the muckraking than ? the Premier has been persistent in pursuing his claim that Tongasat defrauded the Tongan Government off $25 million U.S dollars Is this to distract the peoples mind from Government mismanagement and short falls ? was it a clever ploy by Government to buy time , to think up another hare -brained scheme so as to make them look smart but also portray that they care about the welfare of the nation as a whole . WATCH OUT !. The Government is in denial , the truth is they can't function as a Government they are like a man blindly stumbling from crisis to crisis .The Premier and his cohort can clearly see the writing on the wall and they are in panic mode . they to have gone from one ignominious failure to another . They now face the problem of China asking for its"Pound of flesh " truth of the matter is ; China is not to blame it's the bloody fools who are in Government they are the ones at fault . If they were competent they would've seen that the Government didn't have the means to repay the amount already borrowed , yet they still went ahead and borrowed more , now Tonga is saddled with this humongous debt and no one's to blame but the arrogant and opinionated man in the top job . GOD BLESS TONGA . China won't ! . .
-
Koe hili ae hopo koeni ae Tongaset...kae hokoatu e u hopo a Akilisi moene kau kengi...TAU SIO LELEI PE..Kuo ta tuolahi ae moua a Akilisi heene u hopo lalahi ,kae ikai kenau tokanga nautolu kihe mole ae paanga Tukuhau ihe ene u hopo moua miliona koia,kae hanga pe e Akilisi ia o ta'ata'aki ae lau'i kovi,,kae fklongo pe ia heene ngaahi ngaue taefakalao..kuo taimi ke fakahiki a Akilisi moene kau poupou ki Fisi pe ko Niuafoou kenau ngaue popula mei ai
-
Wowww another victory to Tongasat. Fielau he na'amou totongi ki he pule'angaa he ngaahi ta'ulahi e pa'anga tukuhau laumiliona pea me'apango ne 'ikai pe topono ai ha ni'ihi ia. Malo aipe ngaue Tongasat mo ho'omou loea William C Edwards Jr.