Toloi hopo Lord Tu’ivakano: Fokotu’u ‘e he Loea ‘a e Faka’iloa ‘ikai ha keisi ke fai ai ha hopo Featured
1 'Aokosi, 2018. Kuo toe toloi ‘a e hopo ‘a Lord Tu’ivakano ‘i he Fakamaau’anga Polisi ‘i he ‘aho Monite 30 Siulai ki he ‘aho 9 ‘Akosi ‘a ia ko e Tu’apulelulu ia ‘o e uike kaha’u.
Ko hono toutou toloi foki ‘a e hopo ko’eni kae malava ke fakahu mai ‘e he ongo tafa’aki ‘a ‘ena ngaahi ngaue fakapepa ‘o fakatatau ki he fiema’u ‘a e Fakamaau’anga.
Na’e hili hono tufa mai ‘a e ngaahi pepa mei he tafa’aki ‘a e Talatalaaki pea nae fokotu’u atu mei he Fakafofonga Lao ‘a Lord Tu’ivakano ko William Clive Edwards ‘i he ngaahi pepa ki he Fakamaau’anga ‘oku ‘ikai ha keisi ia ke fai ai ha hopo.
Ko e fokotu’u ko’eni ‘i he taukapo ma’a e Faka’iloa fekau’aki mo e faka’ilo ‘o e Faka’iloa ki he ngauehala ‘aki hono mafai ke ma’u ha paasipooti, totongi fakafufuu ‘o ha ‘Ofisa Ngaue Faka-Pule’anga, Fe’ave’aki Pa’anga ‘Uli (Money Laundering) mo e Fukava Loi.
‘Oku ‘amanaki foki ke hoko atu ‘a e hopo ko’eni ‘i he ‘aho Tu’apulelulu 9 ‘Akosi ‘a ia koe uike kaha’u ia ke fakahoko ‘a e alea ‘a e ongo tafa’aki fekau’aki mo e ngaahi fokotu’u fakalao kuo fakahu atu ki he Fakamaau’anga.
‘Oku fakafofonga’i ‘a e Talatalaaki ‘e he ‘Ofisi ‘o e ‘Ateni Seniale pea ko William Clive Edwards Sr. ma’a e Faka’iloa Lord Tu’ivakano.
1 comment
-
Teuteu e pule'anga ia ki he mo'ua, pea teuteu moe taxpayers ke totongi e mo'ua ko eni.
Koe 'uhinga e toutou toloi koe fiu feinga e pule'anga ke tanaki ha fakamo'oni ke makatu'unga ai ha faka'ilo. He kapau na'e 'osifakapapau'i 'e 'akili 'e malohi he hopo kuo fuoloa 'ene vili ka fai mo nau hopo. Ka koe tautoloi foki ko 'ene 'ilo pau 'oku 'ikai ha'ane fakamo'oni, ka koe fakafalala pe ki he ngaahi ngutulau moe telelouniu 'ae kau pitoa. Kuo anga'aki pe ia 'e 'akili e ki'i tekiniki ko eni. Koe tapupu atu pe hono tapalasia 'ehe kakai 'ene kau minisita mo fele 'ene ngaahi case, kuo ne fakatupunga ha fo'i me'a ke divert ki ai e tokanga 'ae kakai. Lolotonga eni hono haha 'ehe social media a tu'i wonker mo peni Fifita kuo ne fufusi hake e hopo 'a Tu'ivakano ke fakaheleleu holo.
Malie pea toe lelesoni, ka kuo ki'i motu'a tama e fo'i founga ko ia.