Fakatotolo'i kau polisi Nu'usila malōlō 'a e matāpule Tonga 'i Mangere 'Aokalani Featured
2 Mē, 2018. 'Oku lolotonga fekumi 'a e kau polisi 'a Nu'usila ki ha tokoua 'oku mahalo'i koe ongo tangata Tonga pe mo kinaua fekua'aki mo hono fakapoongi 'o e matapule Tonga ta'u 28 ko 'Epalahame Tu'uheava 'i Mangere, 'Aokalani Nu'usila.
Na'e ma'u foki 'a e sino 'o 'Epalahame 'i he taha 'o e ngaahi hala 'i Mangere 'i he Saute 'o 'Aokalani 'aneafi Tūsite 1 'o 'Epeleli Mē 2018 kuo ne 'osi pekia.
Ko e pekia ko'eni 'a 'Epalahame mei ha lavea ki hono 'ulu 'i hano fana'i 'aki ha me'afana.
Kuo ma'u ha fakahā mei he kau polisi na'e ma'u fakataha foki 'a e sino 'o 'Epalahame moha fefine kuo lavelave lahi ka 'oku lolotonga fakaakeake 'i he falemahaki.
'Oku toe mahino mei he fakamatala kuo tuku mai 'e he kau polisi koe fefine ko'eni na'e fana'i pe moia pea 'oku 'i ai 'a e fifili makehe ki he 'uhinga 'oe fa'ahinga tamate pehe ni moe founga na'e fakahoko'aki.
Fakatatau ki he fakamatala 'a e Polisi Fakatotolo ko Va’aelua mei he Potungaue Polisi 'a Nu'usila 'oku kei hokohoko atu pe 'a e fakatotolo 'a e kau polisi pea koe tokoua Tonga pe 'oku mahalo'i na'a na fakahoko 'a e tamate ko'eni.
